DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Polşanın keçmiş prezidenti: Aİ özünü buraxmalıdır

© AFP 2023 / MATEUSZ SLODKOWSKILex Valensa, arxiv şəkli
Lex Valensa, arxiv şəkli - Sputnik Azərbaycan, 1920, 04.06.2022
Abunə olmaq
Lex Valensanın fikrincə, Aİ Polşa və Macarıstansız yeni birlik yaratmalıdır.
BAKI, 4 iyun - Sputnik. Avropa İttifaqı (Aİ) özünü ləğv etməli və Polşa və Macarıstan olmadan öz nüvəsində Fransa və Almaniya ilə yeni bir ittifaq yaratmalıdır. Bu barədə şənbə günü Interia portalına müsahibəsində Nobel Sülh Mükafatı laureatı, Polşanın keçmiş prezidenti Lex Valesa bildirib.
“Aİ Polşa ilə güzəştə getmək əvəzinə dağılmalı və bir neçə dəqiqədən sonra Almaniya və Fransaya əsaslanan, lakin Polşa və Macarıstan olmadan yeni icma yaratmalıdır.
Valensa bu məsələ ilə bağlı fikrinə məhəl qoyulmamasından təəssüfləndiyini bildirib. "Və bu sadə bir fikirdir: əgər biz yeni birliyə qoşulmaq istəsək, girişdə hüquqlardan əlavə, öhdəliklər də qəbul etməli olardıq. Və onları elə təyin etməliyik ki, bu gün baş verən hiylələr bir daha təkrarlanmasın", - o deyib.
Valensanın fikrincə, Avropa Komissiyasının Polşanın bərpası ilə bağlı milli planı təsdiqləməsi səhv olardı. "Axı bu pullar yenə də havaya sovrulacaq və oğurlanacaq. Qanunun aliliyi olmadan milyardlarla avronu boş yerə ianə etməyin mənası yoxdur".
Pandemiyadan sonra Aİ iqtisadiyyatın bərpası üçün icma ölkələrinə vəsait ayırıb. Lakin 2021-ci ilin oktyabrında Aİ məhkəməsinin ölkə Ali Məhkəməsinin intizam palatası ilə bağlı qaydalara xitam verilməsi barədə qərar icra olunana qədər Varşavaya gündəlik 1 milyon avro cərimə kəsməsi səbəbindən Polşanın planının təsdiqi gecikib. Palatanın və orada əvvəllər qəbul edilmiş qərarların ləğvi, hakimlərin seçimində müstəqilliyin təmin edilməsi ilə yanaşı, Avropa Komissiyasının rəhbəri Ursula fon der Lyayen tərəfindən Brüsseldə Polşanın bərpası planının qəbul edilməsinin əsas şərtləri kimi göstərilib.
Bu həftə Polşa parlamenti Ali Məhkəmə haqqında respublika prezidenti Anjey Duda tərəfindən təklif edilən və intizam palatasını ləğv edən yenilənmiş qanunu təsdiqləyib. İyunun 1-də AK pandemiyadan sonra Polşanın iqtisadi bərpası üçün 35,4 milyard avroluq planı təsdiqlədi. İndi Aİ Şurası dörd həftə ərzində bu planı təsdiqləməlidir, bundan sonra Brüssel Varşavaya pul ayırmağa başlayacaq. AK rəhbərinin sözlərinə görə, bu, yalnız Avropa Komissiyasının məhkəmə islahatları ilə bağlı bütün tələblərinin yerinə yetirildiyi təqdirdə baş verəcək. Polşa müxalifəti hesab edir ki, Polşada mövcud hakimiyyət qanunun aliliyini pozmaqda davam edir və Avropa pullarını almamalıdır.
Xəbər lenti
0