https://sputnik.az/20220602/azerbaycanda-baki-enerji-forumu-baslayib-442445563.html

Azərbaycanda Bakı Enerji Forumu başlayıb

Azərbaycanda Bakı Enerji Forumu başlayıb

Sputnik Azərbaycan

Forumun yekunu Qarabağın işğaldan azad edilmiş ərazilərində baş tutacaq. 02.06.2022, Sputnik Azərbaycan

2022-06-02T10:29+0400

2022-06-02T10:29+0400

2022-06-02T11:49+0400

neft-qaz

enerji

forum

bakı

https://cdnn1.img.sputnik.az/img/07e5/06/17/427291272_0:0:3067:1725_1920x0_80_0_0_0040933a5146dab053cf9ddce12d6977.jpg

BAKI, 2 iyun — Sputnik. İyunun 2-də Bakı Konqres Mərkəzində Bakı Enerji Forumu öz işinə başlayıb. Forum Bakı Enerji Həftəsinin ayrılmaz tərkib hissəsidir.Tədbirdə qlobal enerji perspektivləri, yaşıl enerjiyə keçidin maliyyələşdirilməsi, qaz təchizatı məsələləri, Xəzər regionunda kəşfiyyat və hasilat imkanlarının xəritəsi və bir sıra digər aktual məsələlər müzakirə olunur.Bu il forumda dünyanın 20 ölkəsindən 400-dən çox nümayəndə iştirak edir. Forumun proqramına 50 məruzəçinin 25-dən çox mövzusu daxildir. Plenar iclas "Enerji keçid dövründə dəyişən dünyada yeni imkanlar və problemlər" mövzusuna həsr olunub.Forumun proqramına aktual mövzular da daxil edilib. Bunlar qlobal enerji perspektivləri, xalis sıfıra aparan yol, enerji sektorunda az karbonlu gələcəyə keçid üçün kadr potensialı, Xəzər regionunda kəşfiyyat və hasilat imkanlarının xəritəsi, ekoloji və sənaye təhlükəsizliyinin təmin edilməsi: yeni yanaşma və yeni texnologiyalar, neft-kimya kompleksinin inkişaf perspektivləri: cari və gələcək layihələr, xüsusi sessiya: "Azərbaycanda dənizdə külək enerjisinin yol xəritəsi" Dünya Bankının təşəbbüsü ilə Bakı Enerji Forumu çərçivəsində keçiriləcək.Forum çərçivəsində Аzərbaycan Dövlət Neft və Sənaye Universiteti və "BP Eksploreyşn Limited" şirkəti arasında bərpaolunan enerji mənbələri üzrə ali təhsil proqramının həyata keçirilməsi ilə bağlı çərçivə sazişinin və bir sıra ikitərəfli sazişlərin də imzalanması nəzərdə tutulub.Tədbirin məruzəçiləri arasında Azərbaycan, Bolqarıstan, Rumıniya energetika nazirləri, Moldova və Serbiyanın baş nazir müavinləri, Qaz İxrac Edən Ölkələr Forumunun baş katibi (GECF), Türkiyənin energetika nazirinin müavini; ABŞ-ın enerji ehtiyatları bürosunun və Avropa komissiyasının nümayəndələri, SOCAR, BP, TPAO, "Equinor", "Uniper", "Tenaris", "TotalEnergies", "Masdar", "ACWA Power" və digər enerji sektorunun şirkət rəhbərləri yer alıb.Həmçinin yerli və xarici şirkətlərin nümayəndələrinin ünsiyyət qurmasına və mümkün əməkdaşlığın bütün aspektlərini ətraflı müzakirə etməyə imkan verəcək ikitərəfli B2B işgüzar görüşlər də keçiriləcək.Forum enerji sənayesinin aparıcı nümayəndələri ilə görüşmək, yeni səmərəli və qarşılıqlı əlaqələr qurmaq və mövcud əlaqələri genişləndirmək üçün unikal imkan yaradacaq.Qeyd edək ki, forumun möhtəşəm yekunu Qarabağın işğaldan azad edilmiş ərazilərində baş tutacaq. İyunun 4-də Şuşa şəhərində Bakı Enerji Forumunun iştirakçıları ilə sessiya keçiriləcək.Bakı Enerji Forumu Azərbaycan Energetika Nazirliyi və Dövlət Neft Şirkətinin (SOCAR) rəsmi dəstəyi ilə həyata keçirilir.Səfər sessiyası "Qarabağ regionunda yaşıl enerjinin potensialı və imkanları" mövzusuna həsr olunub. Çıxış edənlər arasında SOCAR, BP, "Masdar", "ACWA Power", "TotalEnergies" kimi şirkətlərin nümayəndələri var.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2022

xəbərlər

ru_AZ

enerji, forum, bakı