Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Bəzi işçilər gəlib üzümə dururlar, yeyəndə yaxşı idi... - Vilyam Hacıyev

© Photo : Executive power of Imishli districtİmişli Rayon İcra Hakimiyyətinin (RİH) başçısı Vilyam Hacıyev, arxiv şəkli
İmişli Rayon İcra Hakimiyyətinin (RİH) başçısı Vilyam Hacıyev, arxiv şəkli - Sputnik Azərbaycan, 1920, 27.05.2022
Xəbərlərə abunə olun
Yandex newsTelegram
Sabiq icra başçısı Vilyam Hacıyev bildirib ki, o iş adamı olan dostlarının da dəstəyi ilə abadlıq işləri üçün 8 milyon manat pul xərcləyib.
BAKI, 27 may — Sputnik. İmişlinin sabiq icra başçısı Vilyam Hacıyevin cinayət işi üzrə məhkəmə prosesi davam etdirilib.
Bu gün Bakı Ağır Cinayətlər Məhkəməsində hakim Azər Paşayevin sədrliyi ilə keçirilən iclasda Vilyam Hacıyev sərbəst ifadə verib. Sabiq icra başçısı verilmiş ittihamları qəbul etmədiyini deyib.
Vilyam Hacıyev ilk olaraq mənimsəmə epizodu üzrə danışıb. O, sözügedən maddə ilə bağlı cinayət törətmədiyini bildirib: "Məhkəmə istintaqı zamanı da göründüyü kimi, mən məktəb, xəstəxana və agentliklərdə olan mənimsəmələrdə ittiham olunuram. Halbuki həmin qurumların İcra Hakimiyyəti ilə əlaqəsi yoxdur. Mən dövlət büdcəsindən gələn gəlirdən əlavə, iş adamı olan dostlarımın da dəstəyi ilə abadlıq işləri üçün 8 milyon manat pul xərcləmişəm. İndi burada "mənimsəmə var" deyənlərin sözünü sübut kimi qəbul edirlər, mənim dediklərimi yox. Bəzi işçilər gəlib burda mənim üzümə dururlar, yeyəndə yaxşı idi amma..."
Sabiq icra başçısı vəzifə səlahiyyətlərindən sui-istifadə, rüşvət alma və qanunsuz silah saxlama epizodları ilə bağlı da danışıb: "İcra başçısı işləyən vaxt mənə təqdim olunan bütün sənədlər qanuni formada olurdu, digər işçilər nə isə pozuntular ediblərsə, mənim xəbərim olmayıb. Bəlkə də tabeliyimdə olan işçilərlə yumşaq davrandığım üçün belə rahat olublar. Rüşvətlə bağlı da heç bir əsas yoxdur. Ola bilər ki, hansısa dələduzlar kimdənsə pul alıblar, bunlar mənlik deyil. İllərlə arxamca qaçan bəzi ucuz məxluqlar indi gəlib əleyhimə danışdı. Mən heç kimdən rüşvət almamışam, heç kim də mənə rüşvət verməyib. Qanunsuz silahla bağlı da onu deyə bilərəm ki, orda söhbət sadəcə, bir neçə patrondan gedir. İstintaqın gəldiyi qənaətə görə bəzi patronların barıtı bir az çox olub. Bu maddə ilə insanı günahlandırmaq insafa sığmaz.
Onu da deyim ki, mən həbs olunandan sonra yüzlərlə müharibə iştirakçıları və digər sakinlər azadlığa buraxılmağım üçün müraciət ediblər".
Vilyam Hacıyev istintaq orqanının depozitində saxlanılan pullardan əlavə ona miras kimi qalan 6 milyon manat pulu dövlət nəfinə ödəməyə hazır olduğunu deyib: "Verilmiş maddələrlə bağlı özümü təqsirli bilməsəm də, qanunsuzluqlar mənim işlədiyim dövrdə olub. Ona görə dəymiş ziyanı ödəyə bilərəm".
Prosesin davamında dövlət ittihamçısı Vilyam Hacıyevə suallar verib.
Təqsirləndirilən şəxs və vəkili sənədlərin tədqiqindən əvvəl suallar verilməsinə etiraz edib.
Vilyam Hacıyev dövlət ittihamçısının suallarına cavab verməyib.
Proses iyunun 3-də davam etdiriləcək.
Xatırladaq ki, Vilyam Hacıyev Dövlət Təhlükəsizliyi Xidməti (DTX) tərəfindən keçirilən əməliyyatla saxlanılıb.
Sabiq icra başçısı Cinayət Məcəlləsinin 179.3.2-ci (külli miqdarda mənimsəmə və ya israf etmə, 308.1-ci (vəzifə səlahiyyətlərindən sui-istifadə), 311.3.3 (rüşvət alma (passiv rüşvətxorluq, külli miqdarda törədildikdə) 313-cü (vəzifə saxtakarlığı) və 228-ci (qanunsuz silah saxlama) maddələri ilə ittiham olunur. (APA)
Vilyam Hacıyev - Sputnik Azərbaycan, 1920, 26.02.2022
CƏMİYYƏT
Vilyam Hacıyevin məhkəməsi niyə təxirə salınıb?
Xəbər lenti
0