Портфель чиновника, фото из архива - Sputnik Azərbaycan, 1920
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Nikol Paşinyan Azərbaycanla sərhədlərin delimitasiyası üzrə komissiya yaradıb

© Tatyana Zenkovich/pool photo via APNikol Paşinyan, arxiv şəkli
Nikol Paşinyan, arxiv şəkli - Sputnik Azərbaycan, 1920, 23.05.2022
Xəbərlərə abunə olun
Yandex newsTelegram
Paşinyanın imzaladığı fərmana əsasən Azərbaycanla sərhədlərin delimitasiyası və təhlükəsizliyi üzrə komissiyaya baş nazirin müavini Mger Qriqoryan rəhbərlik edəcək.
BAKI, 23 may - Sputnik. Ermənistanın baş naziri Nikol Paşinyan Azərbaycanla sərhədlərin delimitasiyası üzrə komissiyanın yaradılması haqqında fərman imzalayıb.
Bu barədə Ermənistan Nazirlər Kabineti məlumat yayıb.
Fərmana əsasən Azərbaycanla sərhədlərin delimitasiyası və təhlükəsizliyi üzrə komissiyaya baş nazirin müavini Mger Qriqoryan rəhbərlik edəcək.
Ermənistanın elektron hökumət portalında qeyd edilib ki, komissiyaya baş nazirin müavini Mger Qriqoryan rəhbərlik edəcək, onun tərkibinə nazirliklərin və digər strukturların nümayəndələri də daxil olacaq.
Xüsusilə, komissiyaya xarici işlər nazirinin müavini Mnatsakan Safaryan, müdafiə nazirinin müavini Arman Sarkisyan, ədliyyə nazirinin müavini Qriqor Minasyan, ərazi idarəetmə və infrastruktur nazirinin müavini Ovannes Arutyunyan da daxil olacaq.
Bundan başqa, komissiyanın tərkibinə beynəlxalq hüquqi məsələlər üzrə nümayəndə Yeqişe Kirakosyan, Silahlı Qüvvələrin Baş Qərargah rəisinin müavini Arakel Martikyan, Kadastr Komitəsinin rəis müavinləri Narine Avakyan və Aram Quqarats, MTX Sərhəd Qoşunlarının komandanı Arman Maralçyan, Milli Təhlükəsizlik Xidmətinin departamentlərindən birinin rəhbəri David Sanamyan və Ermənistan Silahlı Qüvvələrinin Hərbi Topoqrafik Xidmətinin rəisi Sergey Petrosyan daxildir.
İlham Əliyev də bu barədə sərəncam imzalayıb
Qeyd edək ki, bu gün həmçinin Prezident İlham Əliyev sərəncamı ilə Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyası yaradılıb.
Sərəncamla Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə aşağıdakı tərkibdə Dövlət Komissiyası yaradılıb:
Komissiyanın sədri
Şahin Mustafayev – Azərbaycan Respublikası Baş nazirinin müavini
Komissiyanın üzvləri
Azərbaycan Respublikası Naxçıvan Muxtar Respublikasının Baş nazirinin müavini
Azərbaycan Respublikası xarici işlər nazirinin müavini
Azərbaycan Respublikası daxili işlər nazirinin müavini
Azərbaycan Respublikası ekologiya və təbii sərvətlər nazirinin müavini
Azərbaycan Respublikası ədliyyə nazirinin müavini
Azərbaycan Respublikası kənd təsərrüfatı nazirinin müavini
Azərbaycan Respublikası müdafiə nazirinin müavini
Azərbaycan Respublikası Dövlət Təhlükəsizliyi Xidməti rəisinin birinci müavini
Azərbaycan Respublikası Dövlət Sərhəd Xidməti rəisinin müavini
Azərbaycan Respublikası Xarici Kəşfiyyat Xidməti rəisinin müavini
Azərbaycan Meliorasiya və Su Təsərrüfatı Açıq Səhmdar Cəmiyyəti sədrinin müavini
Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin rəisi
Azərbaycan Respublikası Prezidentinin Administrasiyasının Qanunvericilik və hüquq siyasəti şöbəsinin sektor müdiri
Qazax Rayon İcra Hakimiyyətinin başçısı
Ağstafa Rayon İcra Hakimiyyətinin başçısı
Tovuz Rayon İcra Hakimiyyətinin başçısı
Gədəbəy Rayon İcra Hakimiyyətinin başçısı
Daşkəsən Rayon İcra Hakimiyyətinin başçısı
Kəlbəcər Rayon İcra Hakimiyyətinin başçısı
Laçın Rayon İcra Hakimiyyətinin başçısı
Qubadlı Rayon İcra Hakimiyyətinin başçısı
Zəngilan Rayon İcra Hakimiyyətinin başçısı.
Azərbaycan Respublikasının Nazirlər Kabineti Dövlət Komissiyasının Katibliyinin və aidiyyəti dövlət orqanlarının (qurumlarının) mütəxəssislərindən ibarət müntəzəm fəaliyyət göstərəcək ekspert qrupunun yaradılmasını təmin etməlidir.
Bu Sərəncam imzalandığı gündən qüvvəyə minir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Азербайджанские пограничники приступают к несению службы по охране границы с Ираном на пограничной заставе Миндживан в Зангиланском районе - Sputnik Azərbaycan, 1920, 23.05.2022
SİYASƏT
Azərbaycan-Ermənistan dövlət sərhədinin delimitasiyası üzrə Dövlət Komissiyası yaradıldı
Xəbər lenti
0