DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Ərdoğan İsveç və Finlandiyanı seçim qarşısında qoydu

© AP Photo / Kemal SofticTürkiyə Prezidenti Rəcəb Tayyib Ərdoğan
Türkiyə Prezidenti Rəcəb Tayyib Ərdoğan - Sputnik Azərbaycan, 1920, 23.05.2022
Abunə olmaq
Prezident deyib ki, bu ölkələr artıq terror təşkilatlarına dəstək verməklə Türkiyədən NATO-ya üzvlük məsələsində “hə” eşitmək arasında seçim etməlidirlər.
BAKI, 23 may - Sputnik. Bizim NATO-nun genişlənməsinə dair mövqeyimiz kiməsə qarşı düşmənçilik deyil, terrora qarşı olan prinsipal mövqedir.
Bu barədə Türkiyə Prezidenti Rəcəb Tayyib Ərdoğan nazirlər kabinetinin iclasından sonra verdiyi açıqlamada deyib.
O qeyd edib ki, İsveç və Finlandiyada Türkiyəyə qarşı atılan addımlar qəbul edilməyəcək.
Ərdoğan deyib ki, ötən günlərdə bu məsələləri NATO-nun Baş katibi və Alyans daxilində müttəfiq ölkələrin fərqli dövlət başçıları ilə də müzakirə edib.
“Biz işimizi, hansı addımları atacağımızı bilirik. Bu ölkələr artıq terror təşkilatlarına dəstək verməklə Türkiyədən NATO-ya üzvlük məsələsində “hə” eşitmək arasında seçim etməlidirlər”, - deyə Türkiyə prezidenti bildirib.
Onun sözlərinə görə, Türkiyə mövqeyini bu ölkələr terror təşkilatlarına dəstəyini kəsdikdən sonra dəyişəcək.
Ərdoğan həmçinin Türkiyə sərhədlərində antiterror əməliyyatlarının başladığını açıqlayıb.

Türkiyə lideri Nazirlər Kabinetinin iclasından sonra xalqa müraciət edərək, "Davam edən hücumlar fonunda sərhədlərimizdə təhlükəsizliyin təmin edilməsi vəzifəmizi davam etdirəcəyik" deyib.

Türkiyə Silahlı Qüvvələri hazırda İraqın şimalında ölkədə qadağan olunmuş PKK*-ya qarşı əməliyyat keçirir.

*Azərbaycan və Türkiyə ərazisində qadağan edilib
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0