Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Azərbaycanla Latviyanın qida təhlükəsizliyi sahəsində əməkdaşlığı genişlənir

© Sputnik / Vladimir Pesnya / Fotobanka keçməkRiqa şəhərinin mənzərəsi, arxiv şəkli
Riqa şəhərinin mənzərəsi, arxiv şəkli - Sputnik Azərbaycan, 1920, 21.05.2022
Xəbərlərə abunə olun
Yandex newsTelegram
Qida təhlükəsizliyi sahəsində dövlət nəzarəti tərəflərin milli qanunvericilik aktları və beynəlxalq prinsiplər nəzərə alınmaqla həyata keçiriləcək.
BAKI, 21 may-Sputnik. Latviyada “Azərbaycan Respublikası Qida Təhlükəsizliyi Agentliyi ilə Latviya Respublikasının Qida və Baytarlıq Xidməti arasında qida təhlükəsizliyi sahəsində əməkdaşlıq haqqında” Anlaşma Memorandumu imzalanıb.
Sənədi Azərbaycan tərəfindən Qida Təhlükəsizliyi Agentliyinin sədri Qoşqar Təhməzli, Latviya tərəfindən Qida və Baytarlıq Xidmətinin baş direktoru Maris Balodis imzalayıblar.
Agentliyin İnformasiya təminatı və innovativ həllər şöbəsindən verilən məlumata görə, sənəd “Azərbaycan Respublikası Hökuməti və Latviya Respublikası Hökuməti arasında iqtisadi, elmi-texniki və mədəni əməkdaşlıq üzrə Hökumətlərarası Komissiya”nın 8-ci iclası çərçivəsində imzalanıb.
Anlaşma Memorandumu iki ölkə arasında qida təhlükəsizliyi sahəsində əməkdaşlıq əlaqələrinin genişləndirilməsinə xidmət edir.
Sənəd qida təhlükəsizliyi sahəsində dövlət nəzarətini tərəflərin milli qanunvericilik aktları və beynəlxalq prinsiplər nəzərə alınmaqla həyata keçirilməsini təmin edəcək. Bundan əlavə, Memorandum “tarladan süfrəyədək" prinsipinə uyğun olaraq, qida, o cümlədən baytarlıq nəzarətində olan məhsulların optimal səviyyədə təhlükəsizliyini qida zəncirinin bütün mərhələləri boyunca təmin etməklə azad və maneəsiz ticarətə dəstək verilməsini nəzərdə tutur.
Həmçinin sənəddə qida təhlükəsizliyi sahəsində mütəxəssislər arasında təcrübə mübadiləsi, ölkələrin epizootik vəziyyəti, eləcə də qida təhlükəsizliyinin təmin edilməsinə dair digər zəruri istiqamətlər üzrə informasiya mübadiləsi kimi bir sıra məsələlər əksini tapıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0