Портфель чиновника, фото из архива - Sputnik Azərbaycan, 1920
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

İƏT Parlament Assambleyasına sədrlik Azərbaycana keçəcək

© AP Photo / John Locherməmur
məmur - Sputnik Azərbaycan, 1920, 16.05.2022
Xəbərlərə abunə olun
Yandex newsTelegram
Milli Məclis sədri Azərbaycanın qurumun fəaliyyətinin gücləndirilməsində və təşkilata üzv ölkələrlə əməkdaşlığın genişləndirilməsində maraqlı olduğunu dilə gətirib.
iBAKI, 16 may — Sputnik. Milli Məclisin sədri Sahibə Qafarova mayın 16-da İqtisadi Əməkdaşlıq Təşkilatı Parlament Assambleyasının (İƏTPA) üçüncü ümumi konfransında iştirak etmək məqsədilə ölkəmizdə səfərdə olan qurumun Parlament Assambleyasının Baş katibi Tahir Hüsseyn ilə görüşüb.
Görüşdə spiker Sahibə Qafarova ölkəmizin İƏTPA ilə əməkdaşlığa böyük əhəmiyyət verdiyini qeyd edib. O deyib ki, Azərbaycan İƏTPA-nın fəaliyyətinin gücləndirilməsində və təşkilata üzv ölkələrlə ikitərəfli və çoxtərəfli əməkdaşlığın genişləndirilməsində maraqlıdır.
Spiker bunun təsdiqi kimi, Azərbaycanın 2021-ci ildə İƏTPA-nın nizamnaməsini ratifikasiya etdiyini xatırladıb.
Milli Məclisin sədri Azərbaycanın İqtisadi Əməkdaşlıq Təşkilatı Parlament Assambleyasının üçüncü ümumi konfransına ev sahibliyi etdiyini, tədbirdən sonra təşkilata sədrliyin Azərbaycana keçəcəyini diqqətə çatdırıb.
O bildirib ki, Azərbaycan təşkilata sədrliyi dövründə İƏTPA-nın fəaliyyətinin gücləndirilməsi istiqamətində müvafiq səylər göstərəcək.
İqtisadi Əməkdaşlıq Təşkilatı Parlament Assambleyasının Baş katibi Tahir Hüsseyn görüşə və göstərilən qonaqpərvərliyə görə minnətdarlığını bildirərək, Milli Məclisin konfransın keçirilməsi ilə bağlı gördüyü işləri yüksək qiymətləndirib. O, həmçinin Azərbaycanla rəhbərlik etdiyi təşkilat arasında əlaqələrin hazırki səviyyəsindən razılığını bildirib.
Görüşdə, həmçinin qarşılıqlı maraq doğuran digər məsələlər ətrafında fikir mübadiləsi aparılıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0