Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Bu gün dövlət qulluğuna qəbul üçün növbəti imtahan keçirilir

© Sputnik / Aleksandr Kryazhev / Fotobanka keçməkMəmur portfeli, arxiv şəkli
Məmur portfeli, arxiv şəkli - Sputnik Azərbaycan, 1920, 15.05.2022
Xəbərlərə abunə olun
Yandex newsTelegram
İmtahanından müvəffəqiyyətlə keçən namizədə verilən və altqruplara daxil olan vəzifələrə uyğun sertifikatların qüvvədə olma müddəti 5 ildir.
BAKI, 15 may - Sputnik. Dövlət İmtahan Mərkəzi (DİM) mayın 15-də dövlət qulluğunda inzibati vəzifələrin A növünə (inzibati rəhbər vəzifələr) aid olan AB və AC qruplarına uyğun vəzifələr üzrə test imtahanı keçirir.
DİM-dən verilən məlumata görə, Bakı şəhəri, Nəsimi rayonu, Əbdülvahab Salamzadə küçəsi, 28 (keçmiş Bakı Asiya Universitetinin binası) ünvanında təşkil ediləcək imtahan kompüter vasitəsilə aparılacaq. İmtahan vermək üçün 93 nəfər qeydiyyatdan keçib.
İmtahan saat 11:00-da başlayacaq və 3 saat davam edəcək.
Namizədlər imtahana aşağıda qeyd olunan sənədləri gətirməlidirlər:
Şəxsiyyəti təsdiq edən sənədin əsli;
İmtahana buraxılış vərəqəsi.
Göstərilən sənədlərdən hər hansı biri olmadıqda və ya sənədlər arasında uyğunsuzluq olduqda namizəd imtahana buraxılmayacaq.
Qeyd edək ki, test imtahanından müvəffəqiyyətlə keçən namizədə altqruplara daxil olan vəzifələrə uyğun sertifikat veriləcək. Sertifikat 5 il qüvvədə olur. Sertifikatı olan şəxs burada nəzərdə tutulmuş vəzifə, habelə həmin altqrupun aid olduğu qrup daxilində daha aşağı altqruplara uyğun vəzifə üzrə keçirilən müsahibələrdə iştirak edə bilər.
Müsahibədə iştirak üçün müraciət edən namizəd qanunvericiliklə müəyyən edilmiş vakant vəzifələrin tutulmasının ümumi şərtlərinin tələblərinə cavab verməlidir. Ümumi şərtlərin tələblərinə cavab verməyən namizəd müsahibədə iştirak edə bilməz.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0