Уникальные бакинские здания, созданные в стиле модерн - Sputnik Azərbaycan, 1920
MƏDƏNİYYƏT
Azərbaycanın mədəni həyatında baş verən önəmli hadisələr

Millətin kimliyi onun milli-mənəvi dəyərləri ilə bilinir - Nazir müavini

© Photo : Azərbaycan Rəqs Assosiasiyasının mətbuat xidmətiAzərbaycan rəqqasları, arxiv şəkli
Azərbaycan rəqqasları, arxiv şəkli - Sputnik Azərbaycan, 1920, 10.05.2022
Abunə olmaq
Azərbaycan Dövlət Rəqs Ansamblının Mədəniyyət Nazirliyinin təşkilatçılığı ilə baş tutan xeyriyyə konsertində dövlət rəsmiləri ilə yanaşı, Vətən müharibəsinin qaziləri də iştirak edib.
BAKI, 10 may — Sputnik. Mədəniyyət Nazirliyinin təşkilatçılığı, Azərbaycan Dövlət Akademik Filarmoniyası və Heydər Əliyev Sarayının dəstəyi ilə Azərbaycan Dövlət Rəqs Ansamblının xeyriyyə konserti keçirilib.
Mədəniyyət nazirliyindən verilən xəbərə görə, konsertdən əldə olunan gəlir şəhid ailələri və müharibə əlillərinin təminatı üçün "YAŞAT" Fonduna ianə ediləcək.
Konsertdən əvvəl çıxış edən mədəniyyət nazirinin birinci müavini Elnur Əliyev milli dəyərlərimizə sahib çıxmağın önəmindən danışıb. Bildirib ki, əsas vəzifəmiz milli mədəniyyətin davamlığını təmin etməkdir:

"Biz sabah millət olaraq yeni günümüzə, yeni ilimizə öz dəyərlərimizlə başlamalıyıq. Artıq biz qloballaşmış elə bir dövrdə yaşayırıq ki, burada millətin kimliyi onun yaşadığı coğrafiya ilə bilinmir. Millətin kimliyi onun milli-mənəvi dəyərləri ilə bilinir. Biz sabahımıza özümüz olaraq qədəm qoymaq istəyiriksə mədəniyyətimizə sahib çıxmalıyıq".

Daha sonra Azərbaycan Dövlət Rəqs Ansamblı geniş konsert proqramı ilə çıxış edib.
Məlumat üçün bildirək ki, Azərbaycan Dövlət Rəqs Ansamblı (ADRA) 1970- ci ildə yaradılıb. Ansambla uzun illər görkəmli balet ustaları, SSRİ artisti Leyla Bəkirova və respublikanın xalq artisti Əlibaba Abdullayev rəhbərlik edib. 1984-cü ildən Dövlət Rəqs Ansamblına Azərbaycanın Xalq artisti Afaq Məlikova rəhbərlik edir.
Ansamblın repertuarında Azərbaycan bəstəkarlarının, o cümlədən Tofiq Quliyev, Cahangir Cahangirov, Telman Hacıyev, Səid Rüstəmov, Hacı Xanməmmədov, Aqşin Əlizadə, Vasif Adıgözəlov, Emin Sabitoğlunun və başqalarının musiqisi əsasında yaradılan rəqslər var.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0