Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Çağırışa möhlət verilənlərin əhatə dairəsi genişlənir

© Sputnik / Rahim MuradovSəfərbərlik və Hərbi Xidmətə Çağırış üzrə Dövlət Xidmətinin emblemi , arxiv
Səfərbərlik və Hərbi Xidmətə Çağırış üzrə Dövlət Xidmətinin emblemi , arxiv  - Sputnik Azərbaycan, 1920, 05.05.2022
Xəbərlərə abunə olun
Yandex newsTelegram
"Hərbi vəzifə və hərbi xidmət haqqında" qanuna dəyişiklik edilir. Daha ətraflı bizim materialımızda.
BAKI, 5 may — Sputnik. Azərbaycanda adyunkturaya (hərbi təhsil müəssisəsində doktoranturaya bərabər tutulan təhsil pilləsi) qəbul olunanlara təhsillərini davam etdirmək üçün çağırışa möhlət hüququ veriləcək.
Bu məsələ Milli Məclisin bu gün keçirilən iclasında müzakirəyə çıxarılan "Hərbi vəzifə və hərbi xidmət haqqında" qanuna dəyişiklikdə öz əksini tapıb.
Dəyişikliyə əsasən, qanunun 21.1.4-1-ci maddəsində (Təhsili davam etdirmək üçün çağırışa möhlət verilməsi) "doktoranturaya" sözündən sonra "(adyunkturaya)" sözü əlavə edilir.
Həmin mövcud maddədə, doktoranturaya qəbul üzrə ilk imtahandan müvəffəqiyyətlə keçən çağırışçılara - 3 ay müddətinə möhlət hüququ verilir.
Dəyişiklik müzakirələrdən sonra səsverməyə qoyularaq qəbul edilib.
Qeyd edək ki, həmin maddəyə əsasən, ali təhsil müəssisələrindən xaric edilmiş şəxslər 6 ay müddətində ali təhsil müəssisəsinə bərpa olunmadıqda çağırışa möhlət hüquqlarını itirirlər və ümumi əsaslarla müddətli həqiqi hərbi xidmətə çağırılırlar.
Təhsilini davam etdirmək üçün müddətli həqiqi hərbi xidmətə çağırışa möhlət almış və müddətli həqiqi hərbi xidmətə çağırılmamış çağırışçılar 35 yaşına çatanadək müddətli həqiqi hərbi xidmətə çağırılırlar.
Çağırışçılara möhlət yalnız bir dəfə verilir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Səfərbərlik və Hərbi Xidmətə Çağırış üzrə Dövlət Xidmətinin emlemi , arxiv  - Sputnik Azərbaycan, 1920, 14.03.2022
TƏHSİL
Kimlərə hərbi xidmətdən möhlət verildi?
Xəbər lenti
0