Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Mirzoyan Moskvanın üçtərəfli görüş təklifinə razılıq verdi

© Photo : Official site of the Government of RFMoskvada üçtərəfli görüş, arxiv şəkli
Moskvada üçtərəfli görüş, arxiv şəkli - Sputnik Azərbaycan, 1920, 29.04.2022
Xəbərlərə abunə olun
Yandex newsTelegram
Bu gün Rusiya və Ermənistan XİN rəhbərlərinin telefon danışığında Ararat Mirzoyan üçtərəfli görüşün keçirilməsinə razılıq verib.
BAKI, 29 aprel — Sputnik. Ermənistanın xarici işlər naziri Ararat Mirzoyan mayın 13-də Düşənbədə Rusiya və Azərbaycan xarici işlər nazirliklərinin rəhbərləri ilə üçtərəfli görüşdə iştirak etməyə razılıq verib. Bu barədə Ermənistan XİN məlumat yayıb.
Mirzoyan bu gün rusiyalı həmkarı Sergey Lavrovla telefon danışığı aparıb və o, Moskvanın təklifi ilə razılaşıb. İclas MDB ölkələrinin Xarici İşlər Nazirləri Şurası çərçivəsində baş tutacaq.
Nazirlər Ermənistan, Rusiya və Azərbaycan liderləri arasında 9 noyabr 2020-ci il, 11 yanvar və 26 noyabr 2021-ci il tarixli sazişlərin icrası ilə bağlı fikir mübadiləsi aparıblar, həmçinin sərhədlərin müəyyən edilməsi və təhlükəsizliyi üzrə komissiyanın yaradılması məsələsinə toxunublar.
Ermənistan xarici işlər naziri Yerevanın regionda sülh və sabitliyin bərqərar olmasına, eləcə də Azərbaycanla hərtərəfli sülh sazişi üzrə danışıqlara hazır olduğunu bir daha təsdiqləyib.
Xatırladaq ki, aprelin 25-də Azərbaycan Respublikasının xarici işlər naziri Ceyhun Bayramov ilə Ermənistan Respublikasının xarici işlər naziri Ararat Mirzoyan arasında telefon danışığı baş tutub.
Nazirlər iki dövlətin liderləri səviyyəsində əldə olunmuş razılaşmaların davamı olaraq fikir mübadiləsi aparıblar.
Tərəflər Birgə Sərhəd Komissiyasının iştirakçılarının parametrləri barədə razılığa gəliblər.
Birgə Sərhəd Komissiyasının, habelə sülh müqaviləsinin işlənib hazırlanması ilə bağlı işçi qrupunun görüşlərinin yaxın zamanlarda təşkil olunmasına dair razılıq əldə olunub.
Tərəflər, həmçinin humanitar sahədə addımların davam etdirilməsi ilə bağlı fikir mübadiləsi aparıblar.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
МИД Азербайджана - Sputnik Azərbaycan, 1920, 25.04.2022
SİYASƏT
Azərbaycan və Ermənistan razılığa gəldi - XİN
Xəbər lenti
0