Портфель чиновника, фото из архива - Sputnik Azərbaycan, 1920
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Rus dilinin təbliği üçün beynəlxalq təşkilat yaradılacaq?

© Sputnik / Константин Чалабов / Fotobanka keçməkRus dili
Rus dili - Sputnik Azərbaycan, 1920, 28.04.2022
Xəbərlərə abunə olun
Yandex newsTelegram
Qazaxıstanın prezidenti Müstəqil Dövlətlər Birliyinin himayəsi altında rus dilinin dəstəklənməsi və təbliği məqsədilə beynəlxalq strukturun yaradılmasını təklif edib.
BAKI, 28 aprel — Sputnik. Müstəqil Dövlətlər Birliyində rus dilini dəstəkləyən və təbliğ edən beynəlxalq təşkilatın yaradılması təklif edilir.
Bu barədə BELTA-ya MDB İcraiyyə Komitəsinin mətbuat xidmətindən məlumat verilib. Bununla bağlı Azərbaycan, Ermənistan, Belarus, Qazaxıstan, Qırğızıstan, Moldova, Rusiya, Tacikistan və Özbəkistan nümayəndələrinin iştirakı ilə videokonfrans olub.
İclası giriş sözü ilə açan MDB İcraiyyə Komitəsinin sədr müavini, icraçı katib Beketjan Jumaxanov qeyd edib ki, Müstəqil Dövlətlər Birliyinin himayəsi altında rus dilinin dəstəklənməsi və təbliği məqsədilə beynəlxalq strukturun yaradılması təklifi Qazaxıstan Respublikasının prezidenti Kasım-Jomart Tokayev tərəfindən 2021-ci ilin dekabrında Rusiya Prezidenti Vladimir Putinlə görüşdə səsləndirilib. Bu təklif MDB-dəki tərəfdaşlar tərəfindən maraqla qarşılanıb.
Rusiya Federasiyası Qazaxıstanın təşəbbüsünü dəstəkləyib. Qeyd olunub ki, rus dilini dəstəkləmək və təbliğ etmək üçün yaradılan beynəlxalq struktur onun prinsiplərini bölüşən, rus dilindən istifadə edən insanları və icmaları birləşdirən bütün dövlətlər üçün baza platforması ola bilər.
Görüşdə Qazaxıstan tərəfi rus dilinin dəstəklənməsi və təbliği üzrə beynəlxalq strukturun yaradılması Konsepsiyası ilə bağlı təkliflərini təqdim edib. Müzakirənin nəticələrinə əsasən, ekspert qrupunun cari ilin iyununda keçirilməsi nəzərdə tutulan iclasında müzakirələrin davam etdiriləcəyi qərara alınıb.
Görüşdə həmçinin Humanitar Sahədə Əməkdaşlıq Şurasının himayəsi altında işləmək barədə də razılıq əldə olunub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0