DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Səudiyyə şahzadələri maliyyə problemləri üzündən yaxtalarını satır

© AFP 2023 / VALERY HACHE"Cуперяхты" на набережной Миллиардеров в городе Антиб, фото из архива
Cуперяхты на набережной Миллиардеров в городе Антиб, фото из архива - Sputnik Azərbaycan, 1920, 25.04.2022
Abunə olmaq
Bildirilir ki, şahzadələri bu tədbirlərə vadar edən vergiləri və əmlakın saxlanması, həmçinin təyyarə və gəmilərin parklanması xərclərini ödəmək məcburiyyətidir.
BAKI, 25 aprel - Sputnik. Səudiyyə Ərəbistanında hakim sülalədən olan bəzi şahzadələr maliyyə problemlərinə görə ABŞ və Avropada daşınmaz əmlak və yaxtalarını satırlar. Bu barədə RİA Novosti "Wall Street Journal"a istinadən məlumat yayıb.
Qəzetin mənbələrinə görə, vəliəhd şahzadə Məhəmməd bin Salmanın "qeyri-adi bədxərclik vərdişlərinə istifadə etdiyi bir çox pul mənbələrini kəsdiyi" üçün şahzadələr Səudiyyə Ərəbistanı xaricindəki aktivlərindən xilas olurlar.
Məcmuə yazır ki, onlar son illər ərzində dəyəri 600 milyon dollardan çox olan daşınmaz əmlak, yaxta və sənət əsərləri satıblar.
Nəşrin mənbələri iddia edirlər ki, şahzadələrə bu pullar vergiləri və əmlakın saxlanması, həmçinin təyyarə və gəmilərin parklanması xərclərini ödəmək üçün lazımdır.
Bildirilir ki, bəzi hallarda kral sülaləsinin üzvləri vəliəhdin çox diqqətini cəlb etməmək üçün “daha ​​az dəbdəbəli aktivlərə” sahib olmaq istəyi nümayiş etdirirlər.
O da bildirilir ki, əvvəllər Səudiyyə kəşfiyyatına rəhbərlik etmiş şahzadə Bəndər bin Sultan 2021-ci ildə İngiltərədəki mülkünü 155 milyon dollara satıb.
Mənbələrdən biri onu da deyib ki, “bBu insanlar işləmir, onların nəhəng işçi heyətləri var və onlar (Vəliəhd Şahzadə Məhəmməddən – red.) qorxurlar”.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0