Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Azərbaycan və Gürcüstan arasında səyahət etmək istəyənlərə şad xəbər

© Sputnik / © Sputnik / Vladimir UmikashviliQırmızı körpü
Qırmızı körpü - Sputnik Azərbaycan, 1920, 14.04.2022
Xəbərlərə abunə olun
Yandex newsTelegram
Azərbaycan və Gürcüstan arasında dövlət sərhədini keçmək üçün 6 buraxılış məntəqəsi olacaq
BAKI, 14 aprel — Sputnik. Prezident İlham Əliyev "Azərbaycan Respublikası Hökuməti ilə Gürcüstan Hökuməti arasında Azərbaycan Respublikası və Gürcüstan arasında dövlət sərhədindən buraxılış məntəqələri haqqında" Sazişin təsdiq edilməsi barədə Azərbaycan Respublikasının Qanununu təsdiqləyib.
"Azərbaycan Respublikası Hökuməti ilə Gürcüstan Hökuməti arasında Azərbaycan Respublikası və Gürcüstan arasında dövlət sərhədindən buraxılış məntəqələri haqqında" Saziş isə 2021-ci il sentyabrın 29-da Bakı şəhərində imzalanıb.
Qanuna əsasən, Azərbaycan və Gürcüstan arasında yeni sərhəd buraxılış məntəqələri yaradılacaq.
Azərbaycan və Gürcüstan arasında dövlət sərhədini keçmək üçün 6 buraxılış məntəqəsi müəyyən edilib.
Həmin buraxılış məntəqələri aşağıdakılardır:
1. Daimi, beynəlxalq, sərnişin və yük əlaqələri üçün Dəmiryolu "Böyük-Kəsik (Azərbaycan) - Qardabani (Gürcüstan);
Avtomobil
- "Qırmızı körpü" (Azərbaycan) – "Krasniy Most" (Gürcüstan);
- "Mazımqara" (Azərbaycan) – "Tsodna" (Gürcüstan).
2. Daimi avtomobil, sərnişin və yük əlaqələri üçün birgə, beynəlxalq, avtomobil buraxılış məntəqələri
"İpəkyolu" (Azərbaycan) – "Abreşumis Qza" (Gürcüstan);
3. Daimi, dövlətlərarası sərnişin və yük əlaqələri üçün piyadalar üçün avtomobil yolu
"Sadaxlı" (Azərbaycan) – "Vaxtangisi" (Gürcüstan)
4. Mövsümi dövlətlərarası, sərnişin və yük əlaqələri üçün yalnız sərhədyanı rayonlarda yaşayan vətəndaşlar üçün (yay vaxtı buraxılış rejimi saat 08:00-dan 21:00-dək, qış vaxtı saat -08:00-dan 18:00-dək piyadalar üçün avtomobil yolu
"Muğanlı" (Azərbaycan) – "Samtatskaro" (Gürcüstan).
Sənədə əsasən, tərəflərin səlahiyyətli orqanları ayrı-ayrı protokollarla "İpəkyolu" – "Abreşumis Qza" birgə buraxılış məntəqəsindən daşınan mal və nəqliyyat vastitələri ilə bağlı sərhəd və gömrük prosedurlarını tətbiq olunma prinsiplərini müəyyən edəcəklər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Qırmızı körpü gömrük-keçid məntəqəsi  - Sputnik Azərbaycan, 1920, 05.04.2022
AZƏRBAYCAN XƏBƏRLƏRİ
Azərbaycanla Gürcüstan arasında sərhəd-keçid məntəqələri müəyyən edilib - SİYAHI
Xəbər lenti
0