Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Bu il Həcc ziyarətində iştirak etmək istəyənlər bu qaydalara riayət etməlidirlər

© Photo : Saudi Ministry of Media / AFPHəcc
Həcc  - Sputnik Azərbaycan, 1920, 11.04.2022
Xəbərlərə abunə olun
Yandex newsTelegram
Yeni növ koronavirus pandemiyasının aktiv fazası keçildikdən sonra Həcc ziyarəti prosesi də qaydasına düşməyə başlayır.
BAKI, 11 aprel — Sputnik. Səudiyyə Ərəbistanının Həcc və Ümrə Nazirliyi koronavirus pandemiyası başlayandan bəri ilk dəfə olaraq xaricdən gələn zəvvarlara bu il Həcc ziyarətinə icazə verib və Məkkə ilə Mədinənin müqəddəs yerlərini ziyarət etməyə icazə verilən zəvvarların sayını bir milyona çatdırıb.
Bu barədə Səudiyyə Ərəbistanının Xəbər Agentliyi nazirliyə istinadən məlumat yayıb. Məlumatda qeyd olunub ki, bu il həm krallıqdan, həm də xaricdən bir milyona qədər zəvvarın Həcc ziyarətinə icazə verilməsi qərarı Səudiyyə Ərəbistanının dünya müsəlmanlarının Həcc və Ümrə ayinlərini icra, Peyğəmbər məscidi və digər yerlər ziyarət edə bilməsi üçün Həccin davamlılığını təşviq etməkdə maraqlı olduğunu əks etdirir.
O da bildirilib ki, bu il krallıqda qəbul olunmuş vaksinlərlə tam peyvənd olunmuş yaşı 65-dən aşağı olan şəxslər Həcc ziyarətinə gələ biləcəklər. Onlardan krallıq ərazisinə girməzdən əvvəl 72 saat ərzində aparılan mənfi PCR test nəticəsini təqdim etmələri tələb olunacaq.
Qeyd edək ki, fevralın 3-də Səudiyyə Ərəbistanı 2022-ci ildə Həcc ziyarətini keçirmək niyyətini təsdiqləyib, ona hazırlığın formatı zəvvarların gəldiyi ölkələr də daxil olmaqla, yaranmış epidemioloji vəziyyətə uyğun olaraq Səudiyyə Ərəbistanı tərəfindən müəyyən edilir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Мусульманский паломник молится на равнине Арафат во время ежегодного паломничества хаджа - Sputnik Azərbaycan, 1920, 19.07.2021
FOTO
Dünya müsəlmanlarının həcc ziyarətindən maraqlı görüntülər
Xəbər lenti
0