Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Azərbaycanda ilin əvvəlindən nə qədər elektrik enerjisi istehsal olunub?

© Sputnik / Aleksey Malgavko / Mediabanka keçidİşıq xətləri, arxiv şəkli
İşıq xətləri, arxiv şəkli - Sputnik Azərbaycan, 1920, 10.04.2022
Abunə olmaq
Ölkə üzrə statistika elektrik enerjisi istehsalının əhəmiyyətli dərəcədə artdığını göstərir.
BAKI, 10 aprel — Sputnik. Bu ilin yanvar-mart aylarında ötən ilin eyni dövrü ilə müqayisədə ölkəmizdə elektrik enerjisi istehsalı 3,9 faiz artaraq 7 milyard 194,2 milyon kilovat/saata çatıb.
Sputnik Azərbaycan xəbər verir ki, bu barədə energetika naziri Pərviz Şahbazov açıqlama yayıb.
"Elektrik enerjisi ixracı isə 1,4 milyon kilovat/saat artımla 508,4 milyon kilovat/saat olub", - deyə nazir qeyd edib.
Qeyd edək ki, 2022-ci ilin yanvar-fevral ayları üzrə elektrik enerjisinə dair məlumatlara əsasən, fevral ayında Azərbaycanda ümumi elektrik enerjisinin istehsalı 2331,2 mln. kVt·st təşkil edib ki, bu da ötən ilin eyni dövrü ilə müqayisədə istehsalın 138,8 mln. kVt·st, yaxud 6,3 % artması deməkdir.
Fevral ayında elektrik enerjisinin idxalı 9,8 mln. kVt·st olmaqla 2021-ci ilin müvafiq dövrü ilə müqayisədə 0,3 mln. kVt·st azalıb. Bu dövrdə elektrik enerjisinin ixracı 248,2 mln. kVt·st olmaqla ötən ilin müvafiq dövrünə nisbətən 89,4 mln. kVt·st artıb.
Ümumilikdə 2022-ci ilin yanvar-fevral aylarında respublika üzrə elektrik enerjisinin istehsalı ötən ilin yanvar-fevral ayları ilə müqayisədə 326,2 mln.kVt·st, yəni 7,2 % artaraq 4 887,0 mln. kVt·st olub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
“Qobu” Enerji Qovşağı - Sputnik Azərbaycan, 1920, 08.04.2022
İQTİSADİYYAT
Azərbaycan enerjisinə Fransadan yaşıl işıq
Xəbər lenti
0