https://sputnik.az/20220408/ukrayna-universitetlerine-qebul-elanlari-saxta-cixdi-440937942.html

Ukrayna universitetlərinə qəbul elanları saxta çıxdı

Ukrayna universitetlərinə qəbul elanları saxta çıxdı

Sputnik Azərbaycan

Sosial şəbəkələrdə Azərbaycandan Ukrayna universitetlərinə qəbul elanları paylaşılır ki, bunun da reallıqla əlaqəsi yoxdur. 08.04.2022, Sputnik Azərbaycan

2022-04-08T20:00+0400

2022-04-08T20:00+0400

2022-04-08T20:00+0400

ukrayna

təhsil

diplom

universitet

saxta

https://cdnn1.img.sputnik.az/img/07e5/02/0c/426208518_0:0:3077:1731_1920x0_80_0_0_501774fd36745ce8dd29d555fa760b1f.jpg

BAKI, 8 aprel — Sputnik. Ukraynada aparılan xüsusi hərbi əməliyyatlar səbəbindən bu ölkədə təhsil alan minlərlə əcnəbi tələbə təhsilini yarımçıq qoyaraq öz ölkəsinə gedir. Buna baxmayaraq, hazırda sosial şəbəkələrdə Ukrayna ali təhsil müəssisələrinə tələbə qəbulu elanlarına rast gəlinir.Ukraynanın Kiyev Turizm, Qonaqpərvərlik və Hüquq Universitetinin səhifəsi vasitəsilə əcnəbi tələbələr təhsilə dəvət edilir. Hətta bunun üçün ölkəmizdəki xaricdə təhsil şirkətləri ilə əlaqə saxlamaq tövsiyə olunur.Bir elanın izi iləÖncə Ukrayna universitetlərinə xaricdən tələbə qəbulu üçün tövsiyə edilən, Azərbaycanda xaricdə təhsil xidməti göstərən şirkətlərindən biri ilə əlaqə saxlayırıq. "ZENİTH" xaricdə təhsil şirkətindən Sputnik Azərbaycan-a bildirirlər ki, onlar Ukrayna universitetlərinə tələbə qəbulu aparsalar da, hazırda bu ölkədə baş verən hadisələrdən dolayı sənəd qəbulunu dayandırıblar: "Bizim şirkəti Ukrayna ali məktəblərinə qəbul üçün tövsiyə edənlər yəqin ki, əvvəl bu işlə məşğul olduğumuz üçün məsləhət görüblər. Ukraynada vəziyyət bəllidir. Xeyli sayda tələbənin təhsili yarımçıq qalıb. Belə bir vaxtda biz necə bu xidməti təklif edə bilərik?".Həmçinin şirkətdən bildiriblər ki, kimsə onların adından Ukraynaya tələbə qəbulu aparıldığını söyləyirsə, buna inanmasınlar.İşbazlar yenidən iş başındaAzərbaycan Gənc Alim, Doktorant və Magistrlər Cəmiyyətinin (AGADMC) sədri, fəlsəfə doktoru İlqar Orucov Sputnik Azərbaycan-a açıqlamasında bildirib ki, hazırda Ukraynada vətəndaşlığı olan azərbaycanlılar belə, orada yaşaya bilmirlər, o ki qaldı tələbə təhsil alsın:"Bu insanları aldadan elanlardır. Ukraynada həyat çöküb. Bu ölkədə təhsil alan azərbaycanlı tələbələr təhsillərini yarımçıq qoyub Vətənə geri dönüblər. Onlar təhsillərini davam etdirə bilmirlərsə, bu vəziyyətdə yeni tələbə qəbulunun aparılması mümkün deyil. Çox güman ki, bu işdə aldatma məqsədi var".Oğlan abituriyentlər diqqətli olsunOnun sözlərinə görə, bu gün universitetlər fəaliyyət göstərmir. Həmsöhbətimiz deyir ki, infrastrukturun hansı durumda olduğunu hamı bilir. Belə bir durumda Ukrayna universitetlərinə qəbul elanları verən insanların məqsədi pul qazanmaqdır.İ.Orucov onu da əlavə edib ki, ola bilər ki, kimsə hərbi xidmətdən möhlət almaq üçün bu yolla aldadılsın. Çünki dövlət bu cür məsələlərlə mübarizə apara bilmir. Ona görə də insanlar maariflənməli, bu cür elanların arxasınca getməməlidirlər.Ekspert bəzən Azərbaycanda ali məktəbə qəbul oluna bilməyənlərin bu cür xaricdə təhsil elanları arxasınca qaçdığını söyləyir. Çünki həmin universitetlər qəbul üçün yüksək bilik tələb etmir. Ona görə də attestatla xaricdə ali məktəbə qəbul olanların diplomlarının tanınması ilə bağlı da Azərbaycanda kifayət qədər problemlər üzə çıxıb.Xatırladaq ki, Ukrayna hökuməti mart ayının 25-dən tədrisin bərpa olunduğunu bəyan edib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2022

xəbərlər

ru_AZ

ukrayna, diplom, universitet, saxta