Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Təhsil xidmətləri də "ASAN"laşır

© Official website of President of Azerbaijan RepublicBakıda 6 saylı Asan xidmət mərkəzi
Bakıda 6 saylı Asan xidmət mərkəzi - Sputnik Azərbaycan, 1920, 07.04.2022
Xəbərlərə abunə olun
Yandex newsTelegram
Təhsil Nazirliyi bildirib ki, ilkin mərhələdə vətəndaşlar "ASAN xidmət"in beş təhsil xidmətindən yararlana biləcəklər.
BAKI, 7 aprel — Sputnik. Təhsil Nazirliyinin və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin birgə əməkdaşlığı nəticəsində "ASAN xidmət" mərkəzlərində vətəndaşlara təhsil xidmətləri təqdim olunur.
Təhsil Nazirliyindən Sputnik Azərbaycan-a verilən məlumatda bildirilib ki, hazırda ilk olaraq Bakı şəhərində 5 saylı “ASAN xidmət” mərkəzində sözügedən xidmət göstərilir. Prosesin tədricən paytaxt və regionlarda fəaliyyət göstərən digər mərkəzlərdə həyata keçirilməsi planlaşdırılır.
İlkin mərhələdə vətəndaşlar 5 təhsil xidmətindən yararlana biləcəklər. Vətəndaşlar mərkəzlər vasitəsilə təhsil sahəsində vətəndaş müraciətləri üzrə məsləhətçi, şagirdlərin elektron yerdəyişməsi, ümumi təhsil müəssisələrinin birinci siniflərinə şagird qəbulu, cari təhsil alanlar üçün elektron təhsil arayışları, təhsil tələbə kreditinə elektron müraciət xidmətlərindən yararlana bilərlər.
Növbəti mərhələlərdə xidmətlərin sayının artırılması nəzərdə tutulur.
Qeyd edək ki, sözügedən təhsil xidmətlərinin hər biri Təhsil Nazirliyi tərəfindən elektron qaydada da həyata keçirilir. Bununla yanaşı, elektron qeydiyyat prosesində hər hansı çətinlik çəkən və ya məlumatsız vətəndaşlar bundan sonra “ASAN xidmət” mərkəzlərinə də yaxınlaşaraq konsultativ dəstək ala bilərlər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0