Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Azərbaycanda rubl cüzi bahalaşıb

© Sputnik / Алексей МальгавкоRubl
Rubl - Sputnik Azərbaycan, 1920, 05.04.2022
Xəbərlərə abunə olun
Yandex newsTelegram
Ukraynada hərbi əməliyyatlar başlayan vaxtdan rubl kəskin ucuzlaşsa da, son 2 həftədə dəyər qazandığı müşahidə olunur.
BAKI, 5 aprel — Sputnik. Aprelin 5-də Rusiya rublunun Azərbaycan manatına qarşı rəsmi məzənnəsi 2.5% artaraq 0.0204 manat təşkil edib (1000 rubl = 20.4 manat).
Sputnik Azərbaycan xəbər verir ki, dünən rublun məzənnəsi 0.0199 manat olub (1000 rubl = 19.9 manat). Beləliklə, bu gün dünənə nisbətən rubl 50 qəpik bahalaşıb.
Qeyd edək ki, Ukraynada hərbi əməliyyatlar başlayan vaxtdan rubl kəskin ucuzlaşsa da, son 2 həftədə dəyər qazandığı müşahidə olunur. Bir həftə öncə 1000 rubl 16 manat 50 qəpik idisə, hazırda 20 manat 40 qəpikdir.
Rublun güclənməsinin əsas səbəbi isə Rusiyanın son qərarı olub. Rusiya Prezidenti Vladimir Putin deyib ki, Rusiya dost olmayan ölkələrin aprelin 1-dən qaz müqavilələrinə görə ödənişi rublla etməyəcəyi təqdirdə, bunu müqavilə şərtlərinin pozulması hesab edəcək. Ödənişin rublla edilməsindən imtina olunacağı halda, Rusiya qazının alınmasına dair qüvvədə olan müqavilələr dayandırılacaq.
Xatırladaq ki, martın 9-da 1000 rubl 13,10 manat olmuşdu. Bu da 2015-ci ilin 20 fevral tarixindən bəri qeydə alınan ən aşağı göstəricidir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0