https://sputnik.az/20220319/lham-eliyev-novruz-bayrami-munasibetile-azerbaycan-xalqini-tebrik-edib-440295288.html

İlham Əliyev Novruz bayramı ilə bağlı sosial şəbəkə hesabında paylaşım edib

İlham Əliyev Novruz bayramı ilə bağlı sosial şəbəkə hesabında paylaşım edib

Sputnik Azərbaycan

Xalça üzərinə qoyulmuş səməni təsvir edilmiş açıqcanın üzərində "Novruz bayramınız mübarək!" sözləri yazılıb. 19.03.2022, Sputnik Azərbaycan

2022-03-19T21:33+0400

2022-03-19T21:33+0400

2022-03-19T21:33+0400

prezident ilham əliyev

siyasət

novruz

novruz bayramı

qarabağ

https://cdnn1.img.sputnik.az/img/07e4/0a/13/425244221_0:140:1340:895_1920x0_80_0_0_97c1351679648951be21db0f5faf2aac.jpg

BAKI, 19 mart — Sputnik. Prezident İlham Əliyev Novruz bayramı ilə bağlı öz Twitter hesabında paylaşım edib. Xalça üzərinə qoyulmuş səməni təsvir edilmiş açıqcanın üzərində "Novruz bayramınız mübarək!" sözləri yazılıb. 18.03.22, 17:15Prezident İlham Əliyev Novruz bayramı münasibətilə Azərbaycan xalqını təbrik edibİlham Əliyevin Novruz təbrikində deyilir:"Hörmətli həmvətənlər!Sizi Novruz bayramı münasibətilə ürəkdən təbrik edir, hər birinizə cansağlığı və səadət arzulayıram.Azərbaycan torpağında qədim köklərə malik Novruz bayramı xalqımızın mədəni sərvətlər xəzinəsində layiqli yer tutur. Ulu əcdadımızın zəngin daxili aləminin və nikbin dünyagörüşünün dolğun təcəssümü olan bu el bayramı yüzillərdən bəri varlığımızın ən dərin qatlarına nüfuz etmiş, milli özünüdərkin təşəkkülünə töhfələr vermiş, ali dəyərlərin daşıyıcısına çevrilərək insanlarımızı vahid mənəviyyat ətrafında daim bir-birinə yaxınlaşdırmışdır.Tariximizin taleyüklü anlarında gələcəyə inamımızı biz, eyni zamanda, Bahar bayramının bəxş etdiyi mənəvi güc sayəsində qoruyub saxlamışıq. Qloballaşma dalğasının vüsətli dövründə Novruz ənənələrinin müqəddəs ərməğan kimi uca tutulması və bütün rəngarəngliyi ilə yaşadılması çoxəsrlik mədəni irsimizə ehtiramımızın ifadəsidir.Məhz parlaq Zəfərimizin qat-qat gücləndirdiyi xoş bahar ovqatı içində, artıq ikinci ildir ki, azadlığına qovuşmuş torpaqlarımızda hazırda yüksək sürətlə genişmiqyaslı bərpa və quruculuq işləri aparılmaqdadır. Yaz ətirli bayramımız bizi daha şövqlə çalışıb indi rahat nəfəs alan bu doğma yurd yerlərini qısa müddətdə abadlaşdırmağa və öz əvvəlki dinc həyatına qaytarmağa ruhlandırır.Vətənimizin ərazi bütövlüyü naminə canlarından keçmiş igid övladlarımızın xatirəsini bu bayram günlərində minnətdarlıqla yad edir, ölkənin müdafiəsində mətinliklə dayanan Azərbaycan əsgərinə təbriklərimi yetirirəm.Əminəm ki, xaricdəki soydaşlarımızın bizimlə birgə azərbaycançılıq məfkurəsi işığında baharı qarşılamaları onların qəlbində yurdumuza bağlılıq hisslərini daha da möhkəmləndirəcəkdir.İrəlidə bizi ümumxalq əhəmiyyətli mühüm vəzifələrin həlli gözləyir. İnanıram ki, hər birimiz yaz fəslinin yeniləşdirici ab-havası ilə həmahəng ruh yüksəkliyi və həmrəylik şəraitində qurub-yaratmaq əzmi nümayiş etdirəcək, Qarabağa böyük qayıdış planımızı uğurla gerçəkləşdirəcəyik.Hamınıza bahar əhval-ruhiyyəsi arzu edirəm. Qoy bu əziz bayram hər evə, hər ocağa bol sevinc, ruzi-bərəkət və firavanlıq gətirsin!Novruz bayramınız mübarək olsun!"Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2022

xəbərlər

ru_AZ

prezident ilham əliyev, novruz, novruz bayramı, qarabağ