Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Putin: Rusiyaya qarşı sanksiyalar kompleks xarakter daşıyır

© Sputnik / Михаил Климентьев / Mediabanka keçidRusiya Prezidenti Vladimir Putin
Rusiya Prezidenti Vladimir Putin - Sputnik Azərbaycan, 1920, 10.03.2022
Abunə olmaq
Rusiya prezidenti əmindir ki, hökumət üzvlərinin, aparıcı şirkətlərin sayəsində bütün çətinliklərin öhdəsindən gələcəklər.
BAKI, 10 mart - Sputnik. Rusiya Prezidenti Vladimir Putin onun ölkəsinə qarşı təzyiq xarakterli sanksiyaların kompleks xarakter daşıdığını deyib.
“İndi sanksiya təzyiqi kompleks xarakter daşıyır və Rusiya üçün müəyyən problemlər yaradır. Lakin biz əvvəlki illərdə çətinlikləri dəf etdiyimiz kimi, indi də onların öhdəsindən gələcəyik. Biz bu dövrü keçməliyik”, - deyə Putin hökumətin iclasında bildirib.
Prezident qeyd edib ki, Rusiya iqtisadiyyatı yeni vəziyyətə uyğunlaşır.
“Biz bütün sahələrdə idxalın əvəzlənməsini davam etdirəcəyik. Əminəm ki, hökumət üzvlərinin, aparıcı şirkətlərimizin sayəsində biz bütün çətinliklərin öhdəsindən gələcəyik”, - o, əlavə edib.
Qeyd edək ki, Rusiyanın Ukraynada başlatdığı hərbi əməliyyatlar nəticəsində Aİ və NATO üzvü olan dövlətlər ona qarşı genişmiqyaslı sanksiyaların tətbiqinə başlayıb. Sanksiyalara dünyanın digər regionlarından olan ölkələr də qoşulub.
Ukraynada nə baş verir
Fevralın 24-ü Rusiya prezidenti Vladimir Putin Ukraynanın demilitarizasiyası və denasifikasiyası üçün xüsusi hərbi əməliyyat keçirməyə qərar verdiyini açıqlayıb.
Televiziya ilə rusiyalılara müraciətində o, bildirib ki, yaranmış vəziyyət "bizdən qəti və dərhal hərəkətə keçməyi tələb edir, "Donbas xalq respublikaları" yardım xahişi ilə Rusiyaya üz tutub".
Ukraynanın paytaxtı Kiyevdə və digər şəhərlərində komendant saatı, eləcə də hava hücumu barədə xəbərdarlıq elan edilib.
Artıq on beş gündür ki, Ukraynanın demilitarizasiyası və denasifikasiyası üçün xüsusi hərbi əməliyyat davam edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Həmçinin oxuyun:
Putin enerji daşıyıcılarının nəqli, ABŞ-da neft məhsullarının qiyməti və qapanma barədə
Xəbər lenti
0