CƏMİYYƏT
Cəmiyyətin həyatında baş verən aktual hadisələr

Azərbaycanda ən çox kimlər qazanır?

© Sputnik / Murad OrujovAzərbaycan manatı, arxiv şəkli
Azərbaycan manatı, arxiv şəkli - Sputnik Azərbaycan, 1920, 10.03.2022
Abunə olmaq
Bu ilin 1 yanvar tarixinə Azərbaycanda hüquqi şəxs yaratmadan sahibkarlıq fəaliyyəti ilə məşğul olmaq üçün qeydiyyatdan keçmiş sahibkarların 21,4 %-ni qadınlar təşkil edib.
BAKI,10 mart — Sputnik. Azərbaycanda işləyən qadınlara hər ay orta hesabla 361 manat ödənilir. Halbuki kişilər üzrə bu rəqəm təxminən 2 dəfə çox – 670 manatdır.
Sputnik Azərbaycan xəbər verir ki, bunu BMT-nin İnkişaf Proqramının (UNDP) nümayəndəsi Aygün Əhmədova bildirib.
Aygün Əhmədova qeyd edib ki, ölkədə qadınların işçi qüvvəsində iştirak səviyyəsi də kişilərdən 6,6% aşağıdır. Qadınların 5,9%-i işsizdir, halbuki kişilər üzrə bu nisbət 4,1%-dir. Bütün məşğul qadınların 62%-i həssas məşğulluqla məşğuldur. Qadınlar parlamentdə yerlərin cəmi 17,6%-ni, dövlət qulluğunda yüksək və orta səviyyəli rəhbər vəzifələrin isə 23%-ni tutur. Azərbaycanda sahibkarların 21,5%-i qadınlardır".
Qeyd edək ki, bu ilin 1 yanvar tarixinə Azərbaycanda hüquqi şəxs yaratmadan sahibkarlıq fəaliyyəti ilə məşğul olmaq üçün qeydiyyatdan keçmiş sahibkarların 21,4 %-ni qadınlar təşkil edib.
İqtisadiyyat Nazirliyi yanında Kiçik və Orta Biznesin İnkişafı Agentliyindən (KOBİA) verilən məlumata görə, sahibkar qadınların 30,5 %-i Bakıda, 10,1 %-i Lənkəran-Astara, 8,8 %-i Qazax-Tovuz, qalanları isə digər iqtisadi rayonlarda qeydiyyatdan keçib.(Report)
Qadın sahibkarların əsas hissəsi xidmət (52,4 %), kənd təsərrüfatı (24 %) və digər sahələrdə fəaliyyət göstərirlər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0