Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Moskvada "Şimal-Cənub" Beynəlxalq Nəqliyyat Dəhlizinin inkişafı müzakirə olunub

© Photo : Azerbaijan Railways CJSCAYD-nin qatarı
AYD-nin qatarı - Sputnik Azərbaycan, 1920, 04.03.2022
Abunə olmaq
Görüşdə qərara alınıb ki, rusiyalı mütəxəssislər işin gedişi ilə yerində tanış olduqdan sonra dəmir yolunun elektriklə təmin edilməsi üçün layihə hazırlayıb təqdim etsinlər.
BAKI, 4 mart — Sputnik. İranın Rusiyadakı səfiri Kazım Cəlali "Rusiya Dəmir Yolları" ASC nin baş direktorunun birinci müavini Serqey Pavlov ilə görüşüb. Sputnik Azərbaycan xəbər verir ki, görüşdə "Şimal-Cənub" Beynəlxalq Nəqliyyat Dəhlizinə daxil olan dəmir yollarının tikintisi və elektrik enerjisi ilə təminatı məsələləri müzakirə olunub.
Nəzərə çatdırılıb ki, "Şimal-Cənub" Beynəlxalq Nəqliyyat Dəhlizinin dəmir yolu seqmenti İran, Azərbaycan və Rusiya üçün mühüm əhəmiyyət daşıyır.
Bu yol Şimali Avropa ilə Cənub Şərqi Asiya ölkələrini birləşdirəcək. İranın Çabahar və Bəndər-Abbas limanlarına daxil olan yüklər İran, Azərbaycan və Rusiya ərazisindən keçməklə Şimali Avropaya qədər uzanacaq. Hazırda İran ərazisində dəhlizə daxil olan dəmir yolu xətlərindən Qəzvin-Rəşt yolu tikilib istifadəyə verilib. Yolun Rəşt-Astara hissəsində isə işlər davam edir.
İran səfiri bildirib ki, çətinliklərə baxmayaraq rəsmi Tehran Rəşt-Astara yolunu inşa edib başa çatdırmağa çalışır. Bu yol istismara buraxıldıqdan sonra Asiyadan Avropaya ixrac edilən yüklər Çabahar limanına daxil olacaq. Buradan isə Qəzvin-Rəşt-Astara (İran)-Astara (Azərbaycan) dəmir yolu ilə Rusiya və Şimali Avropaya daşınacaq.
© avacommercial.comŞimal-Cənub dəhlizi
Şimal-Cənub dəhlizi - Sputnik Azərbaycan, 1920, 04.03.2022
Şimal-Cənub dəhlizi
Qeyd olunub ki, yüklər əks istiqamətə də məhz bu yolla daşınacaq ki, bu da adı yuxarıda çəkilən hər 3 dövlətin tranzit gəlirlərinin artmasına və büdcələrinə valyuta axının təmin olunmasına zəmanət yaradır.
Görüşdə qərara alınıb ki, rusiyalı mütəxəssislər işin gedişi ilə yerində tanış olduqdan sonra dəmir yolunun elektriklə təmin edilməsi üçün layihə hazırlayıb təqdim etsinlər.
Məlumat üçün bildirək ki, 2000-ci il 12 sentyabr tarixində Rusiya, İran və Hindistan arasında imzalanmış hökumətlərarası Saziş əsasında "Şimal-Cənub" nəqliyyat dəhlizinin təməli qoyulub. Azərbaycan bu Sazişə 2005-ci ildə qoşulub.
Ümumilikdə 13 ölkə sözügedən Sazişi ratifikasiya edib (Azərbaycan Respublikası, Belarus Respublikası, Bolqarıstan Respublikası, Ermənistan Respublikası, Hindistan, İran İslam Respublikası, Qazaxıstan Respublikası, Qırğızıstan Respublikası, Oman Sultanlığı, Rusiya Federasiyası, Tacikistan Respublikası, Türkiyə Respublikası, Ukrayna).
Dəhlizin yaradılmasında məqsəd Hindistandan Rusiyaya, eləcə də Şimali və Qərbi Avropaya gedən yüklərin çatdırılma müddətini azaltmaqdır (hazırkı marşrut üzrə çatdırılma vaxtı 6 həftədən artıqdır, "Şimal-Cənub" vasitəsilə 3 həftə olması gözlənilir).
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Kəndlilərin gözü yolda qalmayacaq - Azərbaycan-Rusiya anlaşması nə vəd edir? - Sputnik Azərbaycan, 1920, 21.02.2022
VİDEO
Kəndlilərin gözü yolda qalmayacaq - Azərbaycan-Rusiya anlaşması nə vəd edir?
Xəbər lenti
0