https://sputnik.az/20220228/ermenistanin-tecavuzunden-zerer-cekenlere-ne-qeder-kompensasiya-odenilecek-439680933.html

Ermənistanın təcavüzündən zərər çəkənlərə nə qədər kompensasiya ödəniləcək?

Ermənistanın təcavüzündən zərər çəkənlərə nə qədər kompensasiya ödəniləcək?

Sputnik Azərbaycan

Bu, parlamentin İnsan hüquqları komitəsində martın 1-də müzakirəyə çıxarılacaq Azərbaycan Ombudsmanının 2021-ci il üzrə məruzəsində əksini tapıb. 28.02.2022, Sputnik Azərbaycan

2022-02-28T14:01+0400

2022-02-28T14:01+0400

2022-02-28T14:01+0400

ermənistan

azərbaycan xəbərləri

azərbaycan

təcavüz

kompensasiya

https://cdnn1.img.sputnik.az/img/07e5/0a/07/433969347_0:31:2132:1230_1920x0_80_0_0_83781329c05b4217062ef99bdf5deb5f.jpg

BAKI, 28 fevral — Sputnik. 2020-ci il sentyabrın 27-dən Ermənistan silahlı qüvvələrinin ölkəmizə qarşı törətdiyi növbəti hərbi təcavüz zamanı müxtəlif növ silahlarla, o cümlədən ağır artilleriya qurğularından və ballistik raketlərdən istifadə etməklə münaqişə zonasından və cəbhə xəttindən uzaqda yerləşən şəhər və rayonlarımızdakı mülki əhali ilə yanaşı, infrastruktur obyektləri də hədəfə alınıb, insanların əmlakına, infrastruktur obyektlərinə irimiqyaslı zərər yetirilib.Sputnik Azərbaycan xəbər verir ki, bu, parlamentin İnsan hüquqları komitəsində martın 1-də müzakirəyə çıxarılacaq Azərbaycan Respublikasının İnsan hüquqları üzrə müvəkkilinin (Ombudsmanın) 2021-ci il üzrə məruzəsində əksini tapıb.Bildirilib ki, "2020-ci il sentyabrın 27-dən başlayaraq Ermənistan Respublikası Silahlı qüvvələrinin Azərbaycan Respublikasının ərazisinə təcavüzü nəticəsində mülki əhaliyə dəymiş ziyanla bağlı maddi yardımın ödənilməsi barədə" Azərbaycan Respublikası Prezidentinin 2020-ci il 14 dekabr tarixli Sərəncamına uyğun olaraq, dağılmış və ya qəzalı vəziyyətə düşmüş yaşayış evləri üzrə məişət əşyalarına dəymiş ziyanla bağlı hər bir ailəyə 6000, şəxsi əşyalara dəymiş ziyanla bağlı hər bir ailə üzvünə 1500, digər ziyan dəymiş yaşayış evləri üzrə hər bir ailəyə 1000 manat məbləğində vəsaitin ödənilməsi nəzərdə tutulub: "Ölkə Prezidentinin tapşırığına müvafiq olaraq, dağıdılmış binaların və evlərin yerində qısa müddət ərzində yeniləri inşa edilmiş, ziyan dəyən evlər təmir olunub, infrastruktur obyektləri bərpa edilib. Ermənistanın təcavüzü nəticəsində əmlakına ziyan dəymiş vətəndaşlar tərəfindən Ombudsmana ünvanlanmış hər bir müraciətə xüsusi həssaslıqla yanaşılmış, həmin məsələlərin həlli üzrə tədbirlər görülüb".Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

azərbaycan

2022

xəbərlər

ru_AZ

ermənistan, azərbaycan, təcavüz, kompensasiya