Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

ABŞ qoşunları Ukraynada Rusiya ilə döyüşməyəcək - Bayden

© AP Photo / Alex BrandonCo Bayden
Co Bayden  - Sputnik Azərbaycan, 1920, 24.02.2022
Xəbərlərə abunə olun
Yandex newsTelegram
Fevralın 24-də Rusiya Prezidenti Vladimir Putin rusiyalılara müraciətdə Donbasda xüsusi əməliyyat keçirilməsi barədə qərar qəbul etdiyini bildirib.
BAKI, 24 fevral - Sputnik. ABŞ qoşunları Ukraynada Rusiya ilə döyüşməyəcək. RİA Novosti xəbər verir ki, bunu ABŞ prezidenti Co Bayden cümə axşamı televiziya ilə çıxışında deyib.
“Bir daha deyirəm ki, bizim qüvvələrimiz Ukraynada Rusiya ilə münaqişədə iştirak etməyəcək. Bizim qüvvələrimiz Avropaya Ukraynada döyüşmək üçün deyil, NATO müttəfiqlərini qorumaq və şərq cinahdakı müttəfiqlərimizi dəstəkləmək üçün gedir”, - deyə Bayden bildirib.
Qeyd edək ki, fevralın 24-də Rusiya Prezidenti Vladimir Putin rusiyalılara müraciətdə Donbasda xüsusi əməliyyat keçirilməsi barədə qərar qəbul etdiyini bildirib.
"Şərait bizdən qətiyyətli və təcili addımların atılmasını tələb edir. Donbasın xalq respublikaları Rusiyaya yardım üçün müraciət ediblər. Bununla bağlı BMT Nizamnaməsinin 51-ci maddəsinin 7-ci hissəsinə uyğun olaraq, Federasiya Şurasının sanksiyası, Federal Məclis tərəfindən ratifikasiya olunmuş DXR və LXR ilə dostluq, eləcə də qarşılıqlı yardım barədə müqavilələrin icrası üçün mənim tərəfimdən xüsusi hərbi əməliyyat keçirilməsi barədə qərar qəbul olunub", - Putin telemüraciətində deyib.
O qeyd edib ki, kim kənardan bu prosesə qarışsa, cavabları sərt olacaq:
"Elə cavab verəcəyik ki, belə cavabı tarixinizdə heç vaxt görməmisiniz. Bunun üçün artıq bütün qərarlar qəbul edilib. Biz hadisələrin istənilən inkişafına hazırıq. Ümid edirəm ki, məni eşitdiniz!"
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Vladimir Putin  - Sputnik Azərbaycan, 1920, 24.02.2022
Putinlə İran prezidenti arasında telefon danışığı olub
Xəbər lenti
0