Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Saleh Məmmədov bir ailənin qəzada məhv olduğu yolla bağlı iddialara münasibət bildirib

© Sputnik / Irade JELILAzərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov
Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov - Sputnik Azərbaycan, 1920, 22.02.2022
Xəbərlərə abunə olun
Yandex newsTelegram
AAYDA-nın İdarə heyətinin sədri bildirib ki, Quba yolunun bərpası üçün mütəmadi işlər aparılır.
BAKI, 22 fevral — Sputnik. AAYDA-nın İdarə heyətinin sədri Saleh Məmmədov bu yaxınlarda Bakı-Quba-Dağıstan sərhədi avtomobil yolunda baş vermiş dəhşətli qəzadan danışıb.
Sputnik Azərbaycan xəbər verir ki, o bildirib ki, layihələndirməyə uyğun olaraq hadisə baş verən həmin yolda yol nişanları quraşdırılıb: "Əvvəlcədən yolda döngə və nahamar olduğuna dair, təmir işlərinin getdiyini göstərən işarələr var. Hər bir yoldan istifadə edən sürücü o yolda qoyulan yol nişanlarına, sürət həddinə riayət etsə, qəza olmaz. Bəlkə də həmin sürücü fikirli olub, bu səbəbdən də qəza baş verib. Həmin faciə də o ailədə baş verən digər faciəlin hadisənin təəssüratları nəticəsində baş verib".
Agentlik sədri qeyd edib ki, ümumiyyətlə həmin ərazidə yolda dalğavari heç nə yoxdur: "Ora körpüyə yaxınlaşma yolu olub və çökmə baş verib. Həmin yol Bakı-Sumqayıt dairəvi yoludur. Ora əvvəlcə yük maşınlarının hərəkəti üçün nəzərdə tutulan yol olub. Yol 1984-1986-cı illərdə çəkilib. 2008-ci ildə o yol investisiya xərcləri hesabına rekonstruksiya edilib. Yolda üç zolaqlıdan iki zolaqlıya keçmə barədə nişan qoyulub".
AAYDA-nın İdarə heyətinin sədri bildirib ki, Quba yolunun bərpası üçün mütəmadi işlər aparılır. Quba yolunun yenidən beton yol kimi bərpası üçün böyük vəsait tələb olunur: "Çalışırıq ki, yolu yararsızlıqdan yararlı şəkilə gətirək. Prezidentin sərəncamına əsasən hazırda Quba yoluna alternativ yol çəkilir. Cari ilin sonuna yolun təhvil verilməsi gözlənilir".
Xatırladaq ki, bu yaxınlarda Bakı-Quba-Dağıstan sərhədi avtomobil yolunun Sumqayıt şəhəri H.Z.Tağıyev qəsəbəsi ərazisindən keçən 43-cü km-də Bakı şəhər sakini 1985-ci il təvəllüdlü Əliyev Seymur Fikrət oğlu "Mercedes-Benz E320" markalı, 90-TF-497 dövlət qeydiyyat nişanlı avtomobillə Quba rayonu istiqamətində hərəkətdə olarkən idarəetməni itirib və metal konstruksiyalı arakəsməyə dəyərək avtomobili aşırıb. Qəza nəticəsində sürücü S.Əhmədov və sərnişinləri – həyat yoldaşı 1999-cu il təvəllüdlü Ələkbərova Fidan Mövsüm qızı və övladı 2021-ci il təvəllüdlü Əliyev Həmzə Seymur oğlu ölüblər.
Həmin gün bəlli olub ki, ailənin yaxın qohumları Qusarda dəm qazından həlak olublar: fevralın 17-də Qusar şəhəri, H.Əliyev küçəsində yerləşən çoxmənzilli yaşayış binasında mənzillərdən birində 1987-ci il təvəllüdlü Rusif Şıxov, arvadı 1993-cü il təvəllüdlü Əminə Şıxova və onların 3 azyaşlı uşağı: 2012-ci il təvəllüdlü Osman, 2017-ci il təvəllüdlü İmarə, 2013-cü il təvəllüdlü Sümeyya - ölüblər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0