https://sputnik.az/20220217/mohtesem-kolleksiya-qarabagin-milli-geyimleri---foto-439288267.html

Möhtəşəm milli kolleksiya: Qarabağın geyimləri - FOTO

Möhtəşəm milli kolleksiya: Qarabağın geyimləri - FOTO

Sputnik Azərbaycan

8 Mart Beynəlxalq Qadınlar Günü və Novruz bayramı ərəfəsində "Şuşa - Ənənədən gələcəyə" adlı defile-sərgi keçiriləcək. 17.02.2022, Sputnik Azərbaycan

2022-02-17T21:07+0400

2022-02-17T21:07+0400

2022-02-17T22:06+0400

geyim

mədəniyyət

milli geyim

bakı

qarabağ

şuşa

https://cdnn1.img.sputnik.az/img/07e6/02/11/439288076_0:160:3072:1888_1920x0_80_0_0_0f3c4c1fcd4d309a34707df6306f2ba1.jpg

BAKI, 17 fevral — Sputnik. Bu gün Bakı Milli Geyim Evi Qarabağ geyimlərini ictimaiyyətə təqdim edib. Sputnik Azərbaycan xəbər verir ki, Geyim Evinin rəhbəri Könül Vəlibəyli media nümayəndələri və geniş ictimaiyyət üçün 14 ildir aktiv və uğurlu fəaliyyətdə olan Bakı Milli Geyim Evinin hesabatını verməklə yanaşı, ən son yeniliklərdən danışıb.K. Vəlibəyli bildirib ki, Bakı Milli Geyim Evi Azərbaycanın milli-mənəvi dəyəri olan geyimlərimizin hazırlanmasında, dünyada tanıdılmasında və təbliğində önəmli rola sahibdir: "Uzun illər ərzində dünyanın müxtəlif ölkələrində Azərbaycanı təmsil edən qurumlar və səfirliklərlə uğurlu əməkdaşlıqlar sayəsində onların da dəstəyi ilə fərqli ölkələrdə defile və sərgilər keçirilib. Həmçinin, istər ölkə daxilində, istərsə də xaricdə bir neçə dəfə Mədəniyyət Nazirliyi və Heydər Əliyev Fondunun təşkilatçılığı ilə müxtəlif dövlət tədbirləri, eləcə də rəqs və mahnı ansambllarımız, teatrlarımız üçün milli geyimlər hazırlayıb".Rusiya, Türkiyə, Amerika, Cənubi Koreya, ərəb ölkələri, Çin, Fransa, Özbəkistan və sair ölkələrdə defile və sərgilər keçirilib. Bu gün Bakı Milli Geyim Evinin hazırladığı libaslar ölkə və dünya muzeylərində sərgilənir.Qeyd edək ki, yarandığı ilk gündən etibarən Bakı Milli Geyim Evinin kolleksiyasında önəmli yer tutan dəstlərdən biri də Şuşa-Qarabağ geyimləridir. Kollektiv 2020-ci ildə 44 günlük Vətən müharibəsi nəticəsində qazanılmış böyük Zəfərimizə, eləcə də Prezident İlham Əliyev tərəfindən elan olunmuş "Şuşa İli"nə ithaf olaraq Qarabağ və Şuşaya aid geyimləri, araqçınları hazırlayır.Onu da bildirək ki, 8 Mart Beynəlxalq Qadınlar Günü və Novruz Bayramı ərəfəsində "Şuşa - ənənədən gələcəyə" adlı defile-sərgi keçiriləcək.

2022

xəbərlər

ru_AZ

bakı milli geyim evindən möhtəşəm qarabağ kolleksiyası - foto