Уникальные бакинские здания, созданные в стиле модерн - Sputnik Azərbaycan, 1920
MƏDƏNİYYƏT
Azərbaycanın mədəni həyatında baş verən önəmli hadisələr

Azərbaycan sənətçiləri Ərdoğanı göz yaşlarına boğdular - FOTO

© AFP 2023 / ADEM ALTANTürkiyə prezidenti Rəcəb Tayyib Ərdoğan, arxiv şəkli
Türkiyə prezidenti Rəcəb Tayyib Ərdoğan, arxiv şəkli - Sputnik Azərbaycan, 1920, 16.02.2022
Abunə olmaq
Ziyarətdən sonra açıqlama verən R.T.Ərdoğan Azərbaycan pavilyonunun təqdimatından məmnun olduğunu deyib.
BAKI, 16 fevral — Sputnik. Türkiyə prezidenti Rəcəb Tayyib Ərdoğan Dubayda keçirilən "Expo-2020" sərgisində Azərbaycan pavilyonunu ziyarət edib.
Sputnik Azərbaycan xəbər verir ki, bu barədə Xalq artisti Alim Qasımov özünün "Facebook" hesabında məlumat verib. Ziyarətdən sonra açıqlama verən R.T.Ərdoğan Azərbaycan pavilyonunun təqdimatından məmnun olduğunu, Alim Qasımov və Fərqanə Qasımovanın pavilyondakı canlı ifasından, "Sarı gəlin" mahnısından təsirləndiyini deyib:
"Azərbaycan pavilyonunda olduqca gözəl hazırlıq görülüb. Hələ Fərqanə və atasının (Xalq artisti Alim Qasımov və qızı Əməkdar artist Fərqanə Qasımova - red.) təqdimatı bizi çox duyğulandırdı. "Sarı gəlin"lə işi taclandırdılar. Qardaş, can Azərbaycanın buradakı gözəl işləri bizim üçün də fəxrdir. Allah yar və yardımçıları olsun".
Qeyd edək ki, bu gün dünyada ən məşhur muğam ifaçısı Alim Qasımov hesab olunur. Onun ifa tərzi unikaldır, o, muğamın çoxəsrlik, həmçinin caz və müasir kompozisiya kimi müxtəlif janrların mürəkkəb və yenilikçi qaydalarına söykənən, dərin biliklərə malik bir ifaçıdır.
2000-ci ildə "Love's deep ocean" diski "Avropa Dünya Musiqi xəritəsi"ndə 9-cu yeri tutub və 47 Avropa ölkəsinin radiolarında səslənib. 2000-ci ildə Avropa Nadir Səslər Assambleyasının üzvü seçilib. 2009-cu ildə Alim Qasımov ABŞ-ın Corctaun Universiteti və mərkəzi İordaniyada yerləşən Strateji Araşdırmalar Mərkəzinin keçirdiyi müsabiqədə dünyanın ən nüfuzlu 500 müsəlmanı arasında 4 azərbaycanlıdan biri olub.
2010-cu ildə Alim Qasımov fransalı DJ David Vendetta ilə "I'm your Goddess" adlı mahnını duet şəklində ifa edib.
2011-ci il iyulun 4-də İslandiya müğənnisi Byork Böyük Britaniyanın "The Guardian" qəzetində nəşr olunan müsahibəsində Alim Qasımovu ən sevdiyi ifaçılar, onun "Azerbaijan: The Art of the Mugham" albomunu ən sevdiyi musiqi albomlar sırasına daxil edib.
2012-ci il mayın 26-da Alim Qasımov Bakıda keçirilən 57-ci Avroviziya Mahnı Müsabiqəsinin final mərhələsində Azərbaycan təmsilçisi Səbinə Babayeva ilə eyni səhnəni paylaşıb. 2015 Avropa Oyunlarının açılış mərasimi Alim Qasımovun canlı muğam ifası ilə başlayıb. Daha sonra Alim Qasımov Bakı Olimpiya Stadionunda qaranlıqda uçan xalça üzərində muğam oxuyub.
Fransa, İngiltərə, Almaniya, Belçika, İspaniya, Braziliya, İran və ABŞ kimi ölkələrdə konsertlərlə çıxış edən xanəndə bütün dünyaya Azərbaycan muğam sənətini tanıdaraq, Azərbaycan mədəniyyətinin dünyaya yayılmasında əhəmiyyətli rol oynayır.
Dahi sənətkar "Aşıq Qərib" və "Qəzəlxan" filmlərində rol alıb. "Doğma sahillər", "Bəxtəvər", "Gecə qatarında qətl", "40-cı qapı" kimi filmlərdə xanəndənin ifasından istifadə olunub. (film, 2008) Muğam sənətinin mogikanı bu gün qızı Fərqanə Qasımova ilə dünyanın ən böyük səhnələrini fəth edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0