Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Jurnalistlərin binasının baş memarı apellyasiya şikayəti verdi

© Official website of President of Azerbaijan RepublicJurnalistlər üçün tikilmiş bina
Jurnalistlər üçün tikilmiş bina - Sputnik Azərbaycan, 1920, 09.02.2022
Abunə olmaq
Bakı Ağır Cinayətlər Məhkəməsinin hökmü ilə şərti cəza təyin edilən memar müsadirə edilmiş mənzilinin üzərindən həbsin götürülməsini və özünə bəraət verilməsini istəyib.
BAKI, 9 fevral — Sputnik. Ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) sabiq icraçı direktoru Vüqar Səfərli ilə birgə saxlanılaraq cinayət məsuliyyətinə cəlb edilən, jurnalistlər üçün tikilmiş ikinci və üçüncü yaşayış binasının baş memarı Telman Tahirov apellyasiya şikayəti verib.
Sputnik Azərbaycan xəbər verir ki, Bakı Ağır Cinayətlər Məhkəməsinin hökmü ilə şərti cəza təyin edilən memar müsadirə edilmiş mənzilinin üzərindən həbsin götürülməsini və özünə bəraət verilməsini istəyib. Şikayət Bakı Apellyasiya Məhkəməsinə daxil olub.
Bakı Ağır Cinayətlər Məhkəməsinin qəbul etdiyi hökmə əsasən Vüqar Səfərli 10 il 6 ay, onunla birlikdə saxlanılan Nadir Məmmədov 6 il müddətinə azadlıqdan məhrum edilib. Cinayət işi üzrə digər təqsirləndirilənlər-Bünyamin İsmayılov, Ədalət Vəliyev, Namiq Hacıyev, Bəxtiyar Fətullayev, Təmkin Xəlilov, Telman Tahirov, Valeh Orucov, Şahin İbrahimov və Təhminə Yaqubovaya sınaq müddəti seçilməklə şərti cəza verilib.
Xatırladaq ki, ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun vəzifəli şəxslərinin qanunsuz əməllərinə dair Baş Prokurorluq yanında Korrupsiyaya qarşı Mübarizə Baş İdarəsi tərəfindən əməliyyat keçirilib.
Saxlanılanlar şəxslər barəsində Cinayət Məcəlləsinin 179.4 (mənimsəmə-xüsusilə külli miqdarda ziyan vurmaqla törədildikdə), 193-1.3.2 (cinayət yolu ilə əldə edilmiş pul vəsaitlərini leqallaşdırma-külli miqdarda törədildikdə), 308.2 (vəzifə səlahiyyətlərindən sui-istifadə etmə-ağır nəticələrə səbəb olduqda), 313 (vəzifə saxtakarlığı) və digər maddələri ilə ittiham elan edilib.
Xəbər lenti
0