Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Daxili İşlər Nazirliyi blogerləri müsabiqəyə dəvət edir

© AR Ministry of Internal AffairsЗдание Министерства Внутренних Дел Азербайджанской Республики
Здание Министерства Внутренних Дел Азербайджанской Республики - Sputnik Azərbaycan, 1920, 05.02.2022
Abunə olmaq
Müsabiqə “Ən yaxşı qısametrajlı film”, “Ən yaxşı foto (fotoaparat ilə)” və “Ən yaxşı mahnı (klip)” nominasiyaları üzrə keçirilir.
BAKI 5 fevral - Sputnik. Daxili İşlər Nazirliyi (DİN) anti-narkotik təbliğatının gücləndirilməsi məqsədilə blogerlər arasında müsabiqə elan edib.
DİN-dən Sputnik Azərbaycan-a verilən məlumata görə, müsabiqələrin mövzuları və keçirilmə qaydaları aşağıdakılardır:
1. Narkotik vasitələrin qanunsuz dövriyyəsində polis əməkdaşlarının qətiyyətli mübarizəsi;
2. Narkotik vasitələr və psixotrop maddələr insan sağlamlığını və psixologiyasını məhv edir;
3. Narkotik vasitələr və psixotrop maddələr stresi azaltmır, problemləri həll etmir;
4. Narkotik vasitələr və psixotrop maddələr istifadəçilərin həyatını məhv edir;
5. Narkotik vasitələr və psixotrop maddələr ailələrin dağılmasına, sonsuzluğa və digər ağır fəsadlara səbəb olur.
6. Narkotik vasitələrin və psixotrop maddələrin insan üçün heç bir faydası yoxdur;
7. Narkomanlıq bir şəxsin yox, bir ailənin faciəsidir.
Müsabiqə “Ən yaxşı qısametrajlı film”, “Ən yaxşı foto (fotoaparat ilə)” və “Ən yaxşı mahnı (klip)” nominasiyaları üzrə keçirilir.
Hazırlanmış material şəxsin sosial şəbəkə səhifəsində #narkotikəyoxdeyək #narkotikləmübarizədəpolisədəstəkolaq #narkotikmüsabiqə həştəqləri ilə birlikdə paylaşılmalıdır.
Hər istiqamət üzrə 3 qalib müəyyən edilir:
I yer - 1000 AZN
II yer - 500 AZN
III yer - 300 AZN
Qeyd edək ki, paylaşılan materiallara baxış sayı qalibin müəyyən edilməsində rol oynayacaq.
Xəbər lenti
0