Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Uzun illər sonra: ermənilər Türkiyəyə uçurlar - VİDEO

© Depositphotos / 3dmentatAeroportda gözləmə zalı
Aeroportda gözləmə zalı - Sputnik Azərbaycan, 1920, 02.02.2022
Xəbərlərə abunə olun
Yandex newsTelegram
Yerevan-İstanbul-Yerevan aviareysləri 3 il müddətinə “hava vergisi"ndən azad ediləcək.
BAKI, 2 fevral - Sputnik. Emənistanla Türkiyə arasında birbaşa uçuşlar bərpa olunub.
Sputnik Azərbaycan-ın məlumatına görə, Ermənistanın “Flyone Armenia” aviadaşıyıcısı İrəvan-İstanbul-İrəvan marşrutu üzrə ilk uçuşu gerçəkləşdirib..
Yerli vaxtla saat 18:00-da göyərtəsində 65 sərnişin olan "Flyone Armenia" aviaşirkətinin təyyarəsi İrəvandakı Zvartnots hava limanından İstanbula yola düşüb.
Qeyd edək ki, Yerevan-İstanbul-Yerevan aviareysləri 3 il müddətinə “hava vergisi"ndən azad ediləcək. Bu güzəşt yalnız Pegasus Airlines və Flyone Armenia şirkətlərinə tətbiq ediləcək.
Daha əvvəl Türkiyənin Nəqliyyat və İnfrastruktur Nazirliyinin yaydığı məlumatda bildirilmişdi ki, Ermənistana qarşılıqlı uçuşlar fevralın 2-də başlayacaq.
Xatırladaq ki, Türkiyə ilə Ermənistan arasında diplomatik münasibətlər hələ bərpa olunmayıb. 2021-ci il dekabrın 13-də Türkiyə xarici işlər naziri Mövlud Çavuşoğlu bəyan edib ki, münasibətlərin normallaşması üçün qarşılıqlı şəkildə nümayəndələr təyin olunacaq. Ermənistan XİN-i bu bəyanatı dəstəkləyib.
Sonra Ankara Türkiyənin ABŞ-dakı keçmiş səfiri Serdar Kılıcı İrəvanla münasibətlərin normallaşması üzrə xüsusi nümayəndə təyin edib. Ermənistan tərəfdən parlamentin sədr müavini Ruben Rubinyan təyin edilib.
Xüsusi nümayəndələrin ilk görüşü yanvarın 14-də Moskvada baş tutub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0