Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Azərbaycanda ən çox istifadə olunan sosial şəbəkələr hansıdır? - SİYAHI

© AP Photo / Richard DrewSosial şəbəkələr
Sosial şəbəkələr - Sputnik Azərbaycan, 1920, 02.02.2022
Xəbərlərə abunə olun
Yandex newsTelegram
"Global Stats" statistika mərkəzinin hesabatı əsasında Azərbaycanda hansı sosial şəbəkədən istifadə faizinin nə qədər olduğu açıqlanıb.
BAKI, 2 fevral — Sputnik. Bu ilin yanvar ayında Azərbaycanda "Facebook" istifadəçilərinin fəallığı 2020-ci ilin dekabr ayı ilə müqayisədə 7,2 faiz bəndi azalıb.
"Global Stats" statistika mərkəzinin hesabatı əsasında aparılan hesablamalara görə, bu ilin fevralın 1-nə "Facebook"un Azərbaycanın sosial media bazarında payı 51% təşkil edib ki, bu da ötən ilin müvafiq göstəricisindən 30,4 faiz bəndi çoxdur. Populyarlığına görə "Facebook" ölkənin sosial media bazarında birinci yeri tutur.
Sosial şəbəkələr arasında populyarlığına görə ikinci yerdə "YouTube" qərarlaşıb ki, onun istifadəçilərinin ölkə üzrə fəallığı yanvar ayı ərzində 4,8 faiz bəndi artıb. Bu sosial şəbəkənin Azərbaycan bazarında payı bu ilin fevral ayının 1-nə 15,1% təşkil edib ki, bu da ötən ilin analoji göstəricisindən 4,9 faiz bəndi azdır.
Bu ilin yanvar ayı ərzində ölkə üzrə "Pinterest" şəbəkəsinin istifadəçilərinin fəallığı 2 faiz bəndi artıb. APA bildirir ki, fevralın 1-nə olan məlumata görə, "Pinterest" Azərbaycanın sosial media bazarında 12,4% bazar payı ilə 3-cü yerdə qərarlaşıb ki, bu göstərici ötən ilin müvafiq dövrü ilə müqayisədə 1,6 faiz bəndi azdır.
Digər sosial şəbəkələrin pay bölgüsü belədir: "Instagram" – 10,4, "Twitter" – 5,7%, "Tumblr" – 1,6%, "VKontakte" – 1% və s.
Xəbər lenti
0