Вид на Москву-реку, фото из архива - Sputnik Azərbaycan, 1920
RUSİYA
Rusiya Federasiyasına dair aktual məqalələr

Zelenski Lavrov tərəfindən Rusiya Federasiyasına dəvət edildi

© Official website of President of Azerbaijan RepublicUkrayna prezidentli Volodimir Zelenski
Ukrayna prezidentli Volodimir Zelenski - Sputnik Azərbaycan, 1920, 28.01.2022
Abunə olmaq
Lavrov deyib ki, Zelenski buyursun, qoy Moskvaya, Soçiyə, Sankt-Peterburqa, harada görüşə razılaşacaqsa, ora gəlsin.
BAKI, 28 yanvar — Sputnik. Əgər Ukrayna Prezidenti Vladimir Zelenski Rusiya ilə münasibətlərin normallaşmasısını müzakirə etməyə hazırdırsa, Moskva hazırdır. Sputnik Azərbaycan xəbər verir ki, bunu Rusiya xarici işlər naziri Sergey Lavrov jurnalistlərə açıqlamasında bildirib.

"Əgər Zelenski rejiminin birtərəfli fəaliyyətinin vurduğu ziyandan əziyyət çəkən ikitərəfli münasibətlərin normallaşdırılmasını müzakirə etmək istəyirsə və təbii ki, biz bu addımlara cavab veririk, biz hazırıq. Buyursun, qoy Moskvaya, Soçiyə, Sankt-Peterburqa, harada görüşə razılaşacaqlarsa, ora da gəlsin", - deyə Lavrov qeyd edib.

O, həmçinin qeyd edib ki, Zelenski əgər Donbası müzakirə etmək istəyirsə, Normand formatı çərçivəsində kontakt qrupuna müraciət etməlidir.
Lavrov Ukrayna ilə müharbənin başlaması barədə
Rusiya xarici işlər naziri Sergey Lavrov müharibənin başlaması ehtimalı barədə danışarkən bildirib ki, əgər bu Rusiyadan asılıdırsa, müharibə olmayacaq.
"Əgər bu Rusiya Federasiyasından asılıdırsa, müharibə olmayacaq. Biz müharibə istəmirik, lakin biz maraqlarımızın kobud şəkildə vurulmasına, maraqlarımızın da diqqətdən kənarda qalmasına imkan verməyəcəyik", - deyə Lavrov qeyd edib.
Rusiya XİN rəhbəri qeyd edib ki, NATO-nun Rusiyanın təhlükəsizlik zəmanətləri ilə bağlı təkliflərinə cavabı ABŞ-ın cavabı ilə müqayisədə çox ideolojidir: "Bu cavabın fonunda ABŞ-ın cavabı az qala diplomatik ədəb nümunəsidir"
Təhlükəsizlik zəmanətləri
2021-ci ilin sonunda Rusiya təhlükəsizlik zəmanətləri haqqında ABŞ ilə müqavilə və NATO ilə saziş layihələrini dərc edib. Moskva xüsusilə Qərb tərəfdaşlarından NATO-nun şərqə doğru genişlənməsindən, Ukraynanın bloka qoşulmasından və postsovet ölkələrində hərbi bazaların yaradılmasından imtina etmək üçün hüquqi təminat tələb edirdi.
Həmçinin təkliflər NATO-nun zərbə silahlarının Rusiya sərhədləri yaxınlığında yerləşdirilməməsi və Şərqi Avropada alyans qüvvələrinin 1997-ci ildəki mövqelərinə çəkilməsi haqqında bənddən ibarət idi.
Həmçinin oxuyun:
Lavrov müharibənin başlaması ehtimalı barədə
Xəbər lenti
0