https://sputnik.az/20220126/ucot-intizamini-pozan-mikro-sahibkarlar-iyirmi-faiz-vergi-odeyecek---vdeo-438494691.html

Uçot intizamını pozan mikro sahibkarlar iyirmi faiz vergi ödəyəcək - VİDEO

Uçot intizamını pozan mikro sahibkarlar iyirmi faiz vergi ödəyəcək - VİDEO

Sputnik Azərbaycan

Məsələn, şəxs 100 min manatlıq malı vergi ödəyicisinə təqdim edib, amma onda həmin malın alışına aid heç bir sənəd yoxdur.

2022-01-26T10:26+0400

2022-01-26T10:26+0400

2022-01-26T10:26+0400

vergi

cəmiyyət

iqtisadi

ödəyici

mikro

fərdi sahibkarlar

https://cdnn1.img.sputnik.az/img/42226/85/422268548_0:0:2000:1125_1920x0_80_0_0_235188d84ccac67bf2f77999d1809f17.jpg

BAKI, 26 yanvar — Sputnik. Bu ildən mikro sahibkarlıq subyekti olan vergi ödəyicilərinin mənfəətlərinə (gəlirlərinə) tətbiq edilən 75 faiz vergi azadolması yalnız gəlir və xərclərinin uçotunu aparan şəxslərə tətbiq ediləcək. "Kölgə iqtisadiyyatı"nın qarşısının alınması və uçotun şəffaflaşdırılması məqsədilə bu güzəşt bütün vergi ödəyicilərinə deyil, yalnız gəlir və xərclərin uçotunu aparan və şəffaf şəkildə fəaliyyət göstərən vergi ödəyicilərinə şamil ediləcək.İndiyədək uçot intizamını pozanlar da, pozmayanlar da bu güzəştdən istifadə edirdiMəsələni şərh edən vergi üzrə mütəxəssis Anar Bayramov Sputnik Azərbaycan-a bildirib ki, uçot intizamını pozmaqla gəlirlərini gizlədən və vergidən yayınan vergi ödəyicilərinin belə güzəştlərdən istifadə etməsi intizamlı vergi ödəyicilərinə münasibətdə ədalətsiz rəqabət mühiti yaradır:"Məsələn, şəxs 100 min manatlıq malı vergi ödəyicisinə təqdim edib, amma onda həmin malın alışına aid heç bir sənəd yoxdur. Bu zaman həmin şəxs uçotu düzgün aparmamaqla yanaşı, gəlirdən 75 faiz güzəşt əldə edirdi. Bu da uçotunu doğru-düzgün aparan vergi ödəyicilərinə münasibətdə ədalətsiz rəqabətə gətirib çıxarırdı. Başqa sözlə, indiyədək uçot intizamını pozanlar da pozmayanlar da bu güzəştdən istifadə edirdilər. Amma bundan sonra ancaq uçotunu doğru, düzgün aparanlar bu güzəştdən yararlanacaqlar".Gəlir və xərc uçotunu doğru-düzgün aparmayanlar güzəştdən məhrum olacaqlarO bildirib ki, düzdür, malların alışını təsdiq edən sənəd olmasa, qanunvericilikdə 10 faiz maliyyə sanksiyası nəzərdə tutulur:"Yəni mütləq təqdim edilən malların mədaxilini təsdiq edən sənəd olmalıdır. Amma bu vergi ödəyicisinə yoxlama nə vaxt açılarsa, o zaman bu sanksiya tətbiq edilir. Bəzən elə ola bilər ki, yoxlama açılmasın və ona görə də maliyyə sanksiyası tətbiq edilməsin. Deməli, şəxs həm maliyyə sanksiyasından yayınır, həm də 75 faiz güzəşt əldə edir. İndi isə gəlir və xərc uçotunu doğru-düzgün aparmayanlar bu güzəştdən məhrum olacaqlar".Uçot intizamını pozanlar 20 faiz gəlir vergisi verəcəklər"Gəlir və xərclərinin uçotunu aparmayan mikro sahibkarlar 20 faiz gəlir (mənfəət) vergisi ödəyəcəklər. Məsələn, əgər uçot intizamını pozan fərdi sahibkarın 800 manat gəliri olarsa, 160 manat vergi (800x20%=160 manat) ödəyəcək. Uçot intizamını pozmayan, uçotunu doğru-düzgün aparan fərdi sahibkarın gəliri 800 manat olarsa, 40 manat vergi (800x5%=40 manat) ödəyəcək. Beləliklə, arada 120 manat fərq yaranacaq", - deyə ekspert əlavə edib.Gəlir və xərclərinin uçotunu aparan şəxslərə vergi güzəşti tətbiq ediləcəkDövlət Vergi Xidmətindən bildiriblər ki, qanunvericiliyə edilmiş növbəti dəyişikliklərdən biri də mikro sahibkarlıq subyekti olan vergi ödəyicilərinin mənfəətlərinə (gəlirlərinə) tətbiq edilən 75 faiz vergi azadolmasının yalnız gəlir və xərclərinin uçotunu aparan şəxslərə tətbiq edilməsi ilə bağlıdır.Məqsəd "Kölgə iqtisadiyyatı"nın qarşısının alınmasıdırMikro sahibkarlıq subyekti olan hüquqi şəxslərin (fərdi sahibkarların) sahibkarlıq fəaliyyətindən əldə etdikləri mənfəətin (gəlirin) 75 faizi mənfəət (gəlir) vergisindən azaddır. "Kölgə iqtisadiyyatı"nın qarşısının alınması və uçotun şəffaflaşdırılması məqsədilə qanunvericiliyə edilmiş dəyişiklik nəticəsində həmin güzəştin bütün vergi ödəyicilərinə deyil, yalnız gəlir və xərclərin uçotunu aparan və şəffaf şəkildə fəaliyyət göstərən vergi ödəyicilərinə şamil edilməsi nəzərdə tutulur. Belə ki, vergi ödəyicilərinin fəaliyyəti üzrə uçot intizamının təmin olunması vergi siyasətinin əsas istiqamətlərindən birini təşkil edir və malın (işin, xidmətin) təqdim olunması üzrə uçot intizamını pozan vergi ödəyicilərinə münasibətdə cəza tədbirləri sərtləşdirilir.Bu dəyişiklik son illər ərzində uçotun şəffaflaşdırılması ilə bağlı həyata keçirilən vergi siyasətinin ümumi prinsipləri baxımından xüsusi əhəmiyyət kəsb edir.Digər maraqlı xəbərləri həmçinin Sputnik Azərbaycan-ın Teleqram kanalından izləyin.Həmçinin oxuyun:İcbari Tibbi Sığortanın ƏDV-dən azad edilmə müddəti artırılıbSahibkarlıq sahəsində yoxlamalar daha bir il dayandırılırQiyməti fiksə etsələr, ərzaq yoxa çıxacaq. Hökumət nə tədbir görəcək - VİDEO

2022

xəbərlər

ru_AZ

uçot intizamını pozan mikro sahibkarlar iyirmi faiz vergi ödəyəcək -video