ELM

Hörümçəyin "spayder" olması bizim xətamız deyil - Dilçilik İnstitutunun Baş direktoru

© Sputnik / Murad Orujovkitab
kitab - Sputnik Azərbaycan, 1920, 21.01.2022
Abunə olmaq
Dilçilik İnstitutunun Baş direktoru deyib ki, iş olan yerdə xəta da olur, amma hörümçəyin "spayder" adlandırılması onların günahı deyil.
BAKI, 21 yanvar — Sputnik. Azərbaycan Milli Elmlər Akademiyasının (AMEA) Nəsimi adına Dilçilik İnstitutunun Baş direktoru Nadir Məmmədli AMEA prezidenti Ramiz Mehdiyevin yanvarın 19-da Rəyasət Heyətinin iclasında orfoqrafiya lüğəti ilə bağlı səsləndirdiyi fikirlərə münasibət bildirib.
Nadir Məmmədli Sputnik Azərbaycan-a deyib ki, cəmi 2 aydır, instituta baş direktor təyin olunub. İnstitutda baş verənlər ondan əvvəlki dövrə təsadüf edir:
"Orfoqrafiya lüğəti ötən il çap olunub. Təbii ki, bu məsələyə laqeyd qala bilmərəm. Lüğətlə bağlı məsələyə aydınlıq gətirmək üçün institutun elmi şurasının üzvləri, şöbə müdirləri toplaşıb müzakirə apardıq. Kitabın mətbəəyə gedən son variantını tapdıq.
Sonuncu korrektor cildlənmiş halda mətbəəyə göndərib. Həmin kitabda "hörümçək" sözü var. Necə olub ki, bu söz kitaba salınmayıb, bunu aydınlaşdıracağıq. İş olan yerdə səhv də olur. Düşünürəm ki, bu, Dilçilik İnstitutunun səhvi deyil. Belə başa düşürəm ki, mətbəə xətasıdır".
Qeyd edək ki, Azərbaycan dilinin sonuncu orfoqrafiya lüğətində "hörümçək" sözü çıxarılıb, "spayder" sözü salınıb.
Azərbaycan Milli Elmlər Akademiyasının prezidentinin humanitar işlər üzrə müşaviri, AMEA Dilçilik İnstitutunun sabiq direktoru Möhsün Nağısoylu "hörümçək" sözünün 2021-ci ildə nəşr olunan "Azərbaycan dilinin orfoqrafiya lüğəti"ndən çıxarılmasına və "spayder" sözü ilə əvəz olunmasına aydınlıq gətirib.
M.Nağısoylu açıqlamasında bildirib ki, spayder təkcə hörümçək mənasını vermir:
""Spayder" həm də "Yeni sözlər, yeni mənalar" lüğətinə əsasən, iki yerlik, açıq (bəzən açılıb götürülə bilən) banlı avtomobil növünə deyilir. Hörümçək sözü təsadüfən buraxılıb. Amma hörümçəkkimilər var. Yəni, "hörümçək" sözü lüğətdən çıxarılmayıb. Bu lüğəti 12 nəfər hazırlayıb. Mən elmi redaktoruyam. Məndən başqa iki nəfər məsul redaktor var.
Lüğətdə təsadüfən bir söz olmayanda faciə olur? Biz əcnəbi sözlər əvəzinə milli sözlər daxil etməyə çalışmışıq. Dünyanın bütün lüğətlərində səhv olur. 90 min sözdən bir söz təsadüfən getməyib. Bu, qəsdən olmayıb".
Xatırladaq ki, bununla bağlı dilçi alim Qulu Məhərrəmli status paylaşıb. O bildirib ki, Azərbaycan dilinin sonuncu orfoqrafiya lüğətində "hörümçək" sözü çıxarılıb, "spayder" sözü salınıb.
Xəbər lenti
0