Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

AMEA işçilərinin aylıq maaşı artırılıb - Siyahı

© Sputnik / Murad Orujov Elmlər Akademiyası
 Elmlər Akademiyası - Sputnik Azərbaycan, 1920, 19.01.2022
Xəbərlərə abunə olun
Yandex newsTelegram
Nazirlər Kabinetinin qərarına əsasən, AMEA prezidentinin aylıq vəzifə maaşı 2570 manatdan 3084 manata yüksəlib.
BAKI, 19 yanvar — Sputnik. Azərbaycan Milli Elmlər Akademiyasının (AMEA) Rəyasət Heyətinin və Aparatının, AMEA-nın Gəncə bölməsinin aparatının işçilərinin aylıq vəzifə maaşları artırılıb.
Sputnik Azərbaycan xəbər verir ki, bu, Nazirlər Kabinetinin "Dövlət büdcəsindən maliyyələşən bir sıra təşkilatlarda çalışan işçilərin aylıq vəzifə maaşları haqqında" qərarında əksini tapıb.
Belə ki, AMEA prezidentinin aylıq vəzifə maaşı 3084 manat, 1-ci vitse-prezidentin 2136 manat, AMEA vitse-prezidentinin, akademik katibin 1974 manat, AMEA Rəyasət Heyəti üzvlərinin, elmi bölmələrin akademik katiblərinin, müşavirlərin, AMEA prezidentinin müşavirinin, katibliyin rəisinin, AMEA Gəncə bölməsinin akademik katibinin aylıq vəzifə maaşı 1476 manat, İdarə rəisinin maaşı isə 1428 manat olub.
Bundan başqa, AMEA Rəyasət Heyətinin elmi katibi, AMEA və AMEA-nın Gəncə bölməsinin aparatında: əsas şöbənin rəisi, işlər müdiri, idarə rəisinin müavininin aylıq vəzifə maaşı 1380 manat, idarənin tərkibində şöbənin rəisi, baş mühasib, əsas şöbənin rəisinin müavini, AMEA elmi bölməsinin katibi, AMEA Gəncə bölməsinin elmi katibi, AMEA prezidentinin köməkçisi, AMEA-nın akademik-katibinin köməkçisinin aylıq maaşı 1176 manat olub.
Qeyri-əsas şöbənin rəisi, sektor müdirinin 858 manat, Qeyri-əsas şöbənin rəisinin müavini, AMEA vitse-prezidentinin köməkçisinin maaşı 810 manat, baş mütəxəssis, mülki müdafiə qərargahının rəisi, qaraj müdiri 756 manat, aparıcı mütəxəssis 684 manat, mütəxəssisin aylıq vəzifə maaşı isə 624 manata çatdırılıb.
Qeyd edək ki, bu, Nazirlər Kabinetinin 2022-ci il 14 yanvar tarixli 10 nömrəli Qərarı ilə təsdiq edilib.
Xəbər lenti
0