https://sputnik.az/20220118/baki-metrosunun-is-rejiminde-deyisiklikler-edilecek-438267512.html

Bakı metrosunun iş rejimində dəyişikliklər ediləcək

Bakı metrosunun iş rejimində dəyişikliklər ediləcək

Sputnik Azərbaycan

Qanlı Yanvar hadisəsinin ildönümündə Bakı metropoliteninin "20 Yanvar", "İçərişəhər" və "Elmlər Akademiyası" stansiyaları gücləndirilmiş iş rejimində çalışacaqlar.

2022-01-18T14:32+0400

2022-01-18T14:32+0400

2022-01-18T14:46+0400

paytaxt xəbərləri

bakı metro

dəyişiklik

iş rejimi

https://cdnn1.img.sputnik.az/img/07e5/08/03/427610516_0:320:3073:2048_1920x0_80_0_0_053c09ee64daa202c61bb266c2af6995.jpg

BAKI, 18 yanvar — Sputnik. 20 Yanvar - Ümumxalq Hüzn Günü ilə əlaqədar Bakı Metropoliteninin iş rejimində dəyişikliklər ediləcək və gün ərzində xüsusi tədbirlər planı həyata keçiriləcək. Sputnik Azərbaycan-ın "Bakı Metropoliteni" QSC-yə istinadən verdiyi məlumata görə, yanvar ayının əvvəlindən "20 Yanvar" stansiyasının vestibüllərinə və plaftormasına baxış keçirilib, zəruri tədbirlərin görülməsi üçün tapşırıqlar verilib.Ənənəyə uyğun olaraq, "20 Yanvar" stansiyasının sütunlarına və şəhidlərin adlarının həkk olunduğu lövhələrin yerləşdiyi vestibül sahələrində divarlara qərənfil tərtibatlı çələnglər asılacaq. Stansiya platformasına metropoliten işçilərindən qaravul dəstəsi düzüləcək.Yanvarın 20-də saat 12:00-da əvvəlcədən xüsusi işlənərək, planlaşdırılmış cədvələ uyğun olaraq bütün qatarlar stansiyalarda dayandırılacaq. Qatarlardan 1 dəqiqə ərzində fasiləsiz fit verilməsi təmin ediləcək."Bakı Metropoliteni" QSC-nin rəhbərliyi, kollektivin və ictimaiyyətin nümayəndələri, habelə stansiyaya gələn sərnişinlər "20 Yanvar" stansiyasında şəhidlərimizin ruhunu 1 dəqiqəlik sükutla yad edəcəklər, deyə məlumatda deyilir.Qanlı Yanvar hadisəsinin ildönümündə Bakı metropoliteninin "20 Yanvar", "İçərişəhər" və "Elmlər Akademiyası" stansiyaları gücləndirilmiş iş rejimində çalışacaqlar. Həmçinin, zərurət yaranacağı təqdirdə ehtiyat qatarlar xəttə veriləcək.Gün ərzində bütün stansiyalarda mərkəzləşmiş radio şəbəkəsi ilə matəm musiqiləri və marşları yayımlanacaq. Qatarlarda stansiyaların elanı radioinformatorla deyil, maşinistlər tərəfindən radiorabitə vasitəsilə veriləcək.1990-cı ilin 20 yanvarı Azərbaycan tarixinə qanlı hərflərlə yazılıb. Həmin gecənin günahsız qurbanları olmuş həmvətənlərimiz hər il ölkəmizin hər yerində ehtiramla yad edilir, xüsusi tədbirlər, mərasimlər keçirilir, şəhidlərin məzarları ziyarət olunur.O müdhiş gecə metropolitenin kollektivi səhərə qədər fədakarlıq göstərərək, yüzlərlə insan həyatının qurtarılmasında, yeganə sığınacaq yeri kimi onlara dayaq durmasında, yaralıların xəstəxanalara çatdırılmasında xüsusi rol oynayıb.Metropolitenin çoxminlik kollektivinin nümayəndələri də həmin gün şəhidlərimizin əbədi xatirəsinə ehtiramını ifadə edərək, Şəhidlər xiyabanını ziyarət edir.20 Yanvar faciəsinin qurbanları arasında iki metropolitençi - İlqar Qarayev və Əflatun Kazımov da var.Metropolitençilər bütün şəhidlərimizin xatirəsini daim əziz tutur.Digər maraqlı xəbərləri həmçinin Sputnik Azərbaycan-ın Teleqram kanalından izləyin.Həmçinin oxuyun:Bakı metrosunda təmir: deponun park və dalan yollarında ağac şpalları sökürlərBu il Bakı metrosunda yeni nələr olacaq

2022

xəbərlər

ru_AZ

bakı metrosunun iş rejimində dəyişikliklər ediləcək