Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Qarlı hava şəraitində avtomobil yollarındakı son vəziyyət - VİDEO

© AP Photo / Don PetersenQarlı maşın
Qarlı maşın - Sputnik Azərbaycan, 1920, 17.01.2022
Xəbərlərə abunə olun
Yandex newsTelegram
Azərbaycan Avtomobil Yolları Dövlət Agentliyi və Baş Dövlət Yol Polisi İdarəsi qarlı hava şəraiti ilə bağlı yollarda vəziyyəti açıqlayıb
BAKI, 17 yanvar — Sputnik. Ölkənin dağlıq ərazilərində müşahidə olunan qeyri-sabit hava şəraiti ilə əlaqədar olaraq avtomobil yolları nəzarət altındadır.
Sputnik Azərbaycan Azərbaycan Avtomobil Yolları Dövlət Agentliyinə istinadla xəbər verir ki, ölkə ərazisində qeyri-sabit hava şəraiti ilə əlaqədar olaraq avtomobil yollarının hazırkı vəziyyəti barədə məlumat yayıb.
Bildirilir ki, dağlıq və dağətəyi ərazilərdə qarın yağması müşahidə olunmasa da, şaxtalı hava şəraiti hökm sürür. Bu üzdən səhər saatlarından avtomobil yollarında buzlaşmaya qarşı tədbirlər görülür, qum-duz qarışığı səpilərək avtonəqliyyat vasitələrinin normal, təhlükəsiz hərəkəti təmin olunur.
AAYDA bildirir ki, dağlıq və dağətəyi ərazilərdən keçən avtomobil yollarından istifadə edən sürücülərdən xahiş olunur ki, idarə etdikləri nəqliyyat vasitəsini qış fəslinə uyğun təchiz etsinlər. Əks halda, görülən tədbirlərə rəğmən həmin nəqliyyat vasitələrinin hərəkətində problemlər yaranacaq.
Baş Dövlət Yol Polisi İdarəsi (BDYPİ) də qarlı hava şəraiti ilə bağlı yollardakı vəziyyəti açıqlayıb.
Sputnik Azərbaycan xəbər verir ki, Baş Dövlət Yol Polisi İdarəsinin yaydığı məlumatda deyilir ki, ötən gün saat 19:00-dan başlayaraq DİN Baş DYP İdarəsinin YPX Alayının 2-ci taqımının əməkdaşları Quba, Şabran, Xaçmaz Yol İstismar İdarələrinin işçiləri ilə birlikdə xüsusi texnikalardan istifadə edilməklə Gəndob-Yalama yolunun 0-48 və Bakı-Quba-Dağıstan sərhədi yolunun 130-204,7-ci km-də yolun hərəkət hissələrinin qardan təmizlənməsi və duzun səpilməsi işini davam etdirib.
Onların gücləndirilmiş rejimdə xidmət aparması nəticəsində həmin ərazilərdə yol-nəqliyyat hadisəsi baş verməyib, yolda nəqliyyat vasitələri qalmayıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0