Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Tramp Baydenə cavab verdi: 2024-cü ildə biz Ağ Evə qayıdacağıq

© AP Photo / Manuel Balce CenetaABŞ-ın sabiq prezidenti Donald Tramp
ABŞ-ın sabiq prezidenti Donald Tramp - Sputnik Azərbaycan, 1920, 16.01.2022
Xəbərlərə abunə olun
Yandex newsTelegram
ABŞ-ın sabiq prezidenti Respublikaçılar partiyasından olan tərəfdarlarına bu il Nümayəndələr Palatasını, Senatı və Amerikanı geri alacaqlarını bildirib.
BAKI, 16 yanvar — Sputnik. ABŞ-ın sabiq prezidenti Donald Tramp Respublikaçılar partiyasından olan tərəfdarlarına 2024-cü ilə qədər Konqresə və Ağ Evə nəzarəti bərpa edəcəklərinə söz verib. "NewsMax" xəbər verir ki, o, bu barədə Arizonada keçirilən mitinqdə bildirib.
"Bu il biz Nümayəndələr Palatasını, Senatı və Amerikanı geri alacağıq. 2024-cü ildə isə biz Ağ Evi geri almağa hazırlaşırıq", - deyə o bildirib.
"The New York Times" xəbər verir ki, bir qədər əvvəl ABŞ prezidenti Cozef Bayden sələfi Donald Trampı ölkədə hakimiyyəti dinc yolla ötürmək istəməməkdə ittiham edib. O deyib ki, nəticədə bu, ötən il Kapitoliyə hücumla başa çatıb.
Tramp isə buna cavab olaraq Baydeni ictimaiyyəti öz siyasi uğursuzluqlarından yayındırmağa çalışmaqda ittiham edib.
Bundan əvvəl Texasdan olan amerikalı senator Ted Kruz isə bildirmişdi ki, Respublikaçılar Partiyası 2022-ci ildə Nümayəndələr Palatasını geri qaytara bilsə, o zaman partiya ABŞ prezidenti Co Baydenə impiçment elan etməyi planlaşdırır.
Xəbər lenti
0