Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Qazaxıstanın beynəlxalq təyyarə reysləri bərpa edildi: Nursultan-Bakı, Antalya-Almatı

CC BY-SA 2.0 / Alan Wilson / Boeing 757-2Q8Air Astana təyyarəsi
Air Astana təyyarəsi - Sputnik Azərbaycan, 1920, 13.01.2022
Abunə olmaq
Türkiyənin Antalya şəhərindən havaya qalxan təyyarə Qazaxıstanın Almatı şəhərində yerə enib.
BAKI, 13 yanvar — Sputnik. Qazaxıstanın paytaxtı Nur-Sultan şəhərindən Bakıya təyyarə reysləri tam bərpa olunub. Sputnik Azərbaycan xəbər verir ki, bu barədə Qazaxıstanın Mülki Aviasiya Komitəsi məlumat yayıb.
Bildirilib ki, yanvarın 13-dən Nur-Sultandan 32 beynəlxalq aviareysin reallaşması planlaşdırılıb:
Moskva, Yekaterinburq, Novosibirsk (Rusiya), Budapeşt (Macarıstan), İstanbul (Türkiyə), Minsk (Belarus), Varşava (Polşa), Bakı (Azərbaycan), Kiyev (Ukrayna), Daşkənd və Pxuket (Özbəkistan) və Kolombo (Şri Lanka).
Bildirilib ki, yuxarıda qeyd olunan uçuşlar geri də icra olunacaq. Yalnız Frankfurt (Almaniya) uçuşu təxirə salınıb.
Həmçinin Aktau, Şimkent, Türküstan, Atırau, Aktobe, Karaqandı hava limanlarından Antalya, Kolombo, Tbilisi, Kalininqrad, Moskva, Urqenç, Dubay, İstanbul, Nukus, İrəvan, Daşkənd, Kazan, Kutaisi, Amsterdam, Qoaya və geri 31 beynəlxalq reys planlaşdırılıb.
Məlumata görə, Luftansa aviaşirkətinin reysləri istisna olunmaqla Nur-Sultandan bütün beynəlxalq uçuşlar bərpa olunub.
Bundan başqa, baş verən etiraz aksiyaları və iğtişaşlardan sonra yanvarın 13-də Qazaxıstanın Almatı hava limanı ilk beynəlxalq reysi qəbul edib. Belə ki, Türkiyənin Antalya şəhərindən havaya qalxan təyyarə Almatıda yerə enib.
"Almatı hava limanı fəaliyyətini bərpa edəndən sonra "Air Astana" aviaşirkətinə məxsus təyyarə Antalya-Almatı istiqamətində ilk beynəlxalq reysi icra edib", - komitədən bildirilib.
Məlumata görə, yanvarın 13-də Qazaxıstanın iri şəhərlərindən beynəlxalq uçuşların yerinə yetirlməsi, eləcə də Kolombo (Şri Lanka)-Almatı, Alamatı-Seul (Cənubi Koreya) istiqamətində reyslər reallaşacaq.
Qeyd edək ki, yanvarın 5-də "Azərbaycan Hava Yolları" QSC (AZAL) Qazaxıstanın Almatı şəhərinə həyata keçirməyi planlaşdırdığı reysləri ləğv edib. Bu qərar Qazaxıstanda baş verən hadisələrlə əlaqədar qəbul edilmişdi.
Bakı-Almatı marşrutu üzrə və əks istiqamətdə reyslərə bilet almış bütün sərnişinlərə biletin dəyəri tam geri qaytarılaraq və yaxud pulsuz yenidən rezervasiya təklif olunub.
Məlumat üçün bildirək ki, Bakı-Almatı reysləri hər həftənin cümə günləri, Almatı-Bakı reysləri isə hər həftənin şənbə günləri həyata keçirilir.
Xəbər lenti
0