Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Mərkəzi Nəbatat Bağı AMEA-nın balansından çıxarıldı

© Sputnik / Irade JELILMərkəzi Nəbatat Bağı
Mərkəzi Nəbatat Bağı - Sputnik Azərbaycan, 1920, 11.01.2022
Abunə olmaq
Nazirlər Kabineti "Mərkəzi Nəbatat Bağı" və "Dendrologiya Bağı" ilə bağlı qərar verib.
BAKI, 11 yanvar — Sputnik. Mərkəzi Nəbatat Bağı və Dendrologiya İnstitutu Azərbaycan Milli Elmlər Akademiyasının balansından çıxarılıb, onların əsasında "Mərkəzi Nəbatat Bağı" və "Dendrologiya Bağı" publik hüquqi şəxsləri yaradılıb.
Sputnik Azərbaycan xəbər verir ki, bu, Nazirlər Kabinetinin "Bakı Şəhər İcra Hakimiyyəti başçısının tabeliyində "Mərkəzi Nəbatat Bağı"və "Dendrologiya Bağı" publik hüquqi şəxslərin yaradılması haqqında" qərarında əksini tapıb.
Qərara əsasən, Azərbaycan Milli Elmlər Akademiyasının Mərkəzi Nəbatat Bağının mövcud ərazisi və Dendrologiya İnstitutunun Bakı şəhərinin Xəzər rayonunun Mərdəkan qəsəbəsində yerləşən mövcud ərazisi müvafiq olaraq "Mərkəzi Nəbatat Bağı" publik hüquqi şəxsin və "Dendrologiya Bağı" publik hüquqi şəxsin ərazisi qismində müəyyən edilib.
Mərkəzi Nəbatat Bağı və Dendrologiya Bağı Bakı Şəhər İcra Hakimiyyəti başçısının tabeliyində publik hüquqi şəxslər olacaq.
Bakı Şəhər İcra Hakimiyyəti İqtisadiyyat Nazirliyi ilə razılaşdırmaqla, "Mərkəzi Nəbatat Bağı" publik hüquqi şəxs və "Dendrologiya Bağı" publik hüquqi şəxs "Hüquqi şəxslərin dövlət qeydiyyatı və dövlət reyestri haqqında" qanunla müəyyən edilmiş qaydada dövlət qeydiyyatına alındığı gündən bir ay müddətində Azərbaycan Milli Elmlər Akademiyasının Mərkəzi Nəbatat Bağının və Dendrologiya İnstitutunun balansında olan dövlət əmlakının müvafiq olaraq "Mərkəzi Nəbatat Bağı" publik hüquqi şəxsin və "Dendrologiya Bağı" publik hüquqi şəxsin balansına verilməsi ilə bağlı təkliflərini Nazirlər Kabinetinə təqdim etməlidir.
Bakı Şəhər İcra Hakimiyyəti aidiyyəti orqanlarla (qurumlarla) razılaşdırmaqla, “Mərkəzi Nəbatat Bağı” publik hüquqi şəxsin və “Dendrologiya Bağı” publik hüquqi şəxsin nizamnaməsinin və strukturunun layihəsini, nizamnamə fondunun miqdarını və işçilərinin say həddinə dair təkliflərini iki ay müddətində hazırlayıb Nazirlər Kabinetinə təqdim etməlidir.
Xəbər lenti
0