Уникальные бакинские здания, созданные в стиле модерн - Sputnik Azərbaycan, 1920
MƏDƏNİYYƏT
Azərbaycanın mədəni həyatında baş verən önəmli hadisələr

Qışın soyuğunda, yayın istisində insanların könlünü açan küçə musiqiçiləri

Musiqiçi - Sputnik Azərbaycan, 1920, 05.01.2022
Abunə olmaq
Dünyada "Oscar" və "Grammy" mükafatı almış, milyonlarca albomları satılmış bir çox əfsanəvi musiqiçilərin yetişməsinə də küçələrdə ifa olunan mahnılar böyük təkan verib
BAKI, 5 yanvar — Sputnik. Tarixdə ilk dəfə küçə musiqisinin təbliğatçıları Hindistandan dünyaya səpələnən qaraçılar olub. 19-cu əsrdən etibarən Amerikaya gələn miqrant axınının fonunda, Amerikada küçə musiqiçiləri çoxaldı və küçə musiqisi dəb halını almağa başladı.
Dünyada "Oscar" və "Grammy" mükafatı almış, milyonlarca albomları satılmış bir çox əfsanəvi musiqiçilərin yetişməsinə də küçələrdə ifa olunan mahnılar böyük təkan verib. Əfsanəvi Edit Piaf, Bob Dlan, Karlos Santana, Coni Mitçell, Coan Baez buna bir misaldır.
Dünyanın inkişaf etmiş ölkələrində xüsusən də turizm bölgələrində küçə musiqiçiləri rəğbətlə qarşılanır. Bəs görəsən, Azərbaycanda küçə musiqiçilərinə olan münasibət necədir?
Həmsöhbətimiz skripkaçı Kənan Vaqifoğludur. Kənan Azərbaycanda küçə musiqiçilərinə olan münasibətdən Sputnik Azərbaycan-a danışıb. O qeyd edir ki, 6 ildən artıqdır, küçə musiqisi ilə məşğuldur. Azərbaycandan başqa, digər ölkələrdə də küçə muqisi ilə məşğul olub, oradakı insanları mahnılarımzla özünə cəlb edib:
"Gürcüstanda və Türkiyədə də küçə musiqisiylə məşğul olmuşam. Amma orada daha rahat işləyirdim. Burada işə başlayan kimi polis yaxınlaşıb deyir, "məni "görməlisən"". Bir manat qazanar-qazanmaz polis düşür üstümə. 1 il pandemiyada demək olar ki, işləmədim. İlk dəfə bu gün çıxmışam".
© Sputnik / Shahperi AbbasovaKənan Vaqifoğlu
Kənan Vaqifoğlu - Sputnik Azərbaycan, 1920, 03.01.2022
Kənan Vaqifoğlu
İki il Türkiyədə yaşayan skripkaçı qardaş ölkədəki münasibətdən razıdır. Tükiyədə azərbaycanlı olduğunu biləndə insanlar ona daha çox hörmət ediblər:

"Polislər ətrafımda dayanmışdılar ki, birdən musiqinin təsirinə düşərəm, pulumun oğurlanmasından xəbərim olmaz. Çox diqqətlə qulaq asırdılar. Burada isə son vaxtlar adi qarşılamağa başlayıblar. Əvvəllər ağız büzürdülər ki, "get özünə iş tap, bu nədir?" kimi sözlər deyirdilər. İndi nisbətən fikirlər dəyişib".

Rəşid Behbudov küçəsində yerləşən yeraltı keçidlərin birində musiqi ifa edən Kənan deyir ki, o həm də müğənni Kərim Abbasovun ansamblında fəaliyyət göstərir:
"Pandemiyadan əvvəl toylara gedirdim. Kərimin ansamblında ifa edirdim. Açığını deyim, küçədə musiqi ifa etmək mənə daha çox zövq verir. İnsanlar gəlir-gedir, dayanıb qulaq asırlar. Onlardan müsbət enerji alıram".
Şıxəli Qurbanov küçəsində yerləşən keçidlərin birində hər gün musiqi ifa edən Elvin Qədirov və Müşfiq Kazımzadə ilə söhbətimizi davam etdiririk. Duet ortaqlarının sözlərinə görə, ən çox qazandıqları məbləğ 60 manatdır.
© Sputnik / Shahperi AbbasovaMüşfiq və Elvin
Müşfiq və Elvin - Sputnik Azərbaycan, 1920, 03.01.2022
Müşfiq və Elvin
"Uzun illərdir gitara çalıram. İxtisasca musiqiçi deyiləm. Sadəcə boş vaxtlarımda küçədə musiqi ifa edirəm. Türkiyədə də küçə musiqisi ilə məşğul olmuşam. Orada bizdən daha çox maraq göstərirlər. Qış vaxtı 4-5 saat dayanırıq, havalar isinəndə daha çox dayanırıq. Pandemiya vaxtı icazə verilmirdi. Son günlər başlamışıq", - Elvin bildirib.
Söhbətə Müşfiq Kazımzadə də qoşulub. Dediyinə görə, restoranlarda da ifa edir:
"Pandemiya vaxtı restoranlarda da ifa edirdim. Hazırda işsizlikdir, pulumuzu ancaq mahnı oxumaqla qazanırıq. İnsanlarda küçə mədəniyyətinin bir hissəsi olan küçə musiqisinə rəğbət formalaşdırmalıyıq. Çox istəyərdim ki, bizdə də xarici ölkələrdəki kimi küçə musiqiçilərinə hörmət olsun".
Xəbər lenti
0