https://sputnik.az/20220104/arxadan-vurulan-zerbe-filminin-cekildiyi-su-deyirmani-yiyesiz-qalib-437851324.html
“Arxadan vurulan zərbə” filminin çəkildiyi su dəyirmanı yiyəsiz qalıb
“Arxadan vurulan zərbə” filminin çəkildiyi su dəyirmanı yiyəsiz qalıb
Sputnik Azərbaycan
Sakinlər 1,5 əsr yaşı olan bu dəyirmanın mədəni abidə kimi qeydiyyata alınmasını və qorunmasını istəyirlər. 04.01.2022, Sputnik Azərbaycan
2022-01-04T17:29+0400
2022-01-04T17:29+0400
2022-01-04T17:29+0400
film
azərbaycan xəbərləri
şəki
https://cdnn1.img.sputnik.az/img/07e5/0c/14/437421389_396:0:4037:2048_1920x0_80_0_0_384b5b49d9abbed13319d1c135b441f3.jpg
BAKI, 4 yanvar — Sputnik. “Arxadan vurulan zərbə” filmində Cəbinin öldürüldüyü əsas səhnənin çəkildiyi dəyirman Şəkinin Bideyiz kəndində yerləşir. Sakinlərin sözlərinə görə, sözügedən su dəyirmanı 1850-70-ci illərdə inşa olunub. Kənd sakini Xammət Əliyev Sputnik Azərbaycan-ın bölgə müxbirinə bildirib ki, əvvəlcə dəyirmanı onun atası işlədib.“Həzrət kişi adlı bir nəfər işlədirdi bu dəyirmanı. 1955-ci ildə onu çıxararaq mənim atamı qoydular dəyirmançı. 1955-ci ildə bu dəyirmanı biz götürüb işlətmişik. Daha doğrusu kolxozun əmlakı olub. İşlədərək haqqını ödəmişik, özümüz də dolanmışıq”, - deyə X.Əliyev qeyd edib.Filmin çəkildiyi 1977-ci ildə isə dəyirmanı kənd sakini Məmməd Əliyev işlədib. Kənd sakinlərindən bir neçə nəfər də filmin müxtəlif epizodlarında çəkiliblər. Bideyiz sakini Elman Mahmudovun sözlərinə görə, çəkilişlər bir gün ərzində yekunlaşıb.“Həmin vaxt bura vertolyot enmişdi. Çəkilişə görə buranın yaxınlığındakı sahəyə düşmüşdü. Zil gətirmişdilər. Epizodda çəkilib. Baş Küncüt kəndindən olan, Su idarəsində işləyən birinin zili idi. Bir günün içində çəkilişlər bitdi, çəkiliş qrupu kənddən getdi”, - E.Mahmudov əlavə edib.Həmin vaxt uşaq olan Cümşüd Məhyəddinov isə çəkilişləri belə xatırlayır.“Dedilər ki, “kino çəkilir”, hamı yığılıb gəldi. Haradansa göyərçinlər də tapıb gətirdilər. Bir epizod üçün lazım idi. Biz də uşaq idik, bura toplaşıb baxırdıq”, - deyə C.Məhyəddinov bildirib.Sakinlərin sözlərinə görə, kolxoz və sovxozlar dağıldıqdan sonra dəyirman Xası Mirzəyev adlı kənd sakininin şəxsi mülkiyyətinə keçib. Həmin şəxs də sonradan dünyasını dəyişdiyi üçün 150 ildən artıq yaşı olan dəyirman baxımsız qalıb və bir hissəsi uçaraq bu vəziyyətə düşüb. Sakinlər 1,5 əsr yaşı olan bu dəyirmanın mədəni abidə kimi qeydiyyata alınmasını və qorunmasını istəyirlər.
Sputnik Azərbaycan
media@sputniknews.com
+74956456601
MIA „Rosiya Segodnya“
2022
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
kriminal səhnələrin şahidi olan köhnə dəyirman uçmaq üzrədir
kriminal səhnələrin şahidi olan köhnə dəyirman uçmaq üzrədir
“Arxadan vurulan zərbə” filminin çəkildiyi su dəyirmanı yiyəsiz qalıb
Sakinlər 1,5 əsr yaşı olan bu dəyirmanın mədəni abidə kimi qeydiyyata alınmasını və qorunmasını istəyirlər.
BAKI, 4 yanvar — Sputnik. “Arxadan vurulan zərbə” filmində Cəbinin öldürüldüyü əsas səhnənin çəkildiyi dəyirman Şəkinin Bideyiz kəndində yerləşir.
Sakinlərin sözlərinə görə, sözügedən su dəyirmanı 1850-70-ci illərdə inşa olunub. Kənd sakini Xammət Əliyev Sputnik Azərbaycan-ın bölgə müxbirinə bildirib ki, əvvəlcə dəyirmanı onun atası işlədib.
“Həzrət kişi adlı bir nəfər işlədirdi bu dəyirmanı. 1955-ci ildə onu çıxararaq mənim atamı qoydular dəyirmançı. 1955-ci ildə bu dəyirmanı biz götürüb işlətmişik. Daha doğrusu kolxozun əmlakı olub. İşlədərək haqqını ödəmişik, özümüz də dolanmışıq”, - deyə X.Əliyev qeyd edib.
Filmin çəkildiyi 1977-ci ildə isə dəyirmanı kənd sakini Məmməd Əliyev işlədib. Kənd sakinlərindən bir neçə nəfər də filmin müxtəlif epizodlarında çəkiliblər. Bideyiz sakini Elman Mahmudovun sözlərinə görə, çəkilişlər bir gün ərzində yekunlaşıb.
“Həmin vaxt bura vertolyot enmişdi. Çəkilişə görə buranın yaxınlığındakı sahəyə düşmüşdü. Zil gətirmişdilər. Epizodda çəkilib. Baş Küncüt kəndindən olan, Su idarəsində işləyən birinin zili idi. Bir günün içində çəkilişlər bitdi, çəkiliş qrupu kənddən getdi”, - E.Mahmudov əlavə edib.
Həmin vaxt uşaq olan Cümşüd Məhyəddinov isə çəkilişləri belə xatırlayır.
“Dedilər ki, “kino çəkilir”, hamı yığılıb gəldi. Haradansa göyərçinlər də tapıb gətirdilər. Bir epizod üçün lazım idi. Biz də uşaq idik, bura toplaşıb baxırdıq”, - deyə C.Məhyəddinov bildirib.
Sakinlərin sözlərinə görə, kolxoz və sovxozlar dağıldıqdan sonra dəyirman Xası Mirzəyev adlı kənd sakininin şəxsi mülkiyyətinə keçib. Həmin şəxs də sonradan dünyasını dəyişdiyi üçün 150 ildən artıq yaşı olan dəyirman baxımsız qalıb və bir hissəsi uçaraq bu vəziyyətə düşüb.
Sakinlər 1,5 əsr yaşı olan bu dəyirmanın mədəni abidə kimi qeydiyyata alınmasını və qorunmasını istəyirlər.
