https://sputnik.az/20211228/vergi-odeyicileri-bu-halda-mesuliyyet-dasiyacaqlar-437693222.html

Vergi ödəyiciləri bu halda məsuliyyət daşıyacaqlar

Vergi ödəyiciləri bu halda məsuliyyət daşıyacaqlar

Sputnik Azərbaycan

Vergi Məcəlləsinə təklif olunan dəyişikliklər vergi ödəyiciləri üçün yeni məsuliyyət yaradıb. 28.12.2021, Sputnik Azərbaycan

2021-12-28T22:39+0400

2021-12-28T22:39+0400

2021-12-28T22:39+0400

vergi

iqtisadiyyat

vergi məcəlləsi

məsuliyyət

dəyişiklik

vergi ödəyiciləri

https://cdnn1.img.sputnik.az/img/40816/89/408168909_23:0:2000:1112_1920x0_80_0_0_23df1e97b51cd58efa72718cd8086362.jpg

BAKI, 28 dekabr — Sputnik. Azərbaycanda vergi ödəyicisinin tələb olunan məlumatları təqdim etməməsinə görə müvafiq məsuliyyət tədbirlərinin görülməsi nəzərdə tutulur.Sputnik Azərbaycan İqtisadiyyat Nazirliyi yanında Dövlət Vergi Xidmətinin məlumatına istinadən xəbər verir ki, bu, Vergi Məcəlləsinə edilmiş dəyişikliklərdə öz əksini tapıb.Belə ki, dəyişikliklərdən biri ƏDV-nin məqsədləri üçün qeydiyyata alınmış vergi ödəyicilərinin mənfəət (gəlir) bəyannaməsi ilə eyni gündə vergi ili üzrə kreditor və debitor borcları barədə məlumatları, habelə vergi orqanının tələbi ilə orta və iri sahibkarlıq subyektlərinin maliyyə hesabatlarını vergi orqanına təqdim etməsi ilə bağlıdır. Məlumatlar İqtisadiyyat Nazirliyinin təsdiq etdiyi forma əsasında təqdim ediləcək.Dəyişiklik vergi ödəyicisi mənfəət (gəlir) vergisinin bəyannaməsini təqdim etdikdən sonra həmin bəyannamə üzrə kameral vergi yoxlamasının daha effektiv həyata keçirilməsi və vergi nəzarətinin təkmilləşdirilməsi, ödəyicinin fəaliyyəti ilə bağlı məlumat bazasının genişləndirilməsi və vergi orqanının vergilərin hesablanmasında istifadə olunan məlumatları daha çevik əldə etməsi məqsədi daşıyır.Belə ki, vergi ödəyicisinin debitor və kreditor borcları onun digər şəxslərlə həyata keçirdiyi ticarət əməliyyatları üzrə aparılan hesablaşmaların qalıqlarını müəyyən edir. Vergi orqanının debitor borclar barədə adlı siyahı üzrə məlumatları əldə etməsi vergi ödəyicisinin apardığı əməliyyatlar üzrə gələcək dövrdə əldə ediləcək pul vəsaitlərinin, habelə vergi ödəyicisinin gəlirlərinin, o cümlədən ƏDV ödəyiciləri üzrə ƏDV öhdəliyinin müəyyənləşdirilməsində mühüm inzibatçılıq aləti kimi çıxış edəcək. Bununla da vergi orqanı ilə vergi ödəyiciləri arasında ortaya çıxan mübahisəli halların qarşısının alınmasında mühüm əhəmiyyət daşıyacaq.Bir sıra hallarda vergi ödəyiciləri "Nağdsız hesablaşmalar haqqında" qanunun tələblərini pozmaqla alınmış mal, iş və xidmətlərin dəyərini nağd qaydada ödəyir, lakin uçotda həmin məbləği kreditor borc kimi əks etdirirlər. Bununla əlaqədar, vergi ödəyicisinin kreditor borcları barədə adlı siyahı üzrə məlumatların alınması həm "Nağdsız hesablaşmalar haqqında" qanunun tələblərinin pozulmasının, həm də vergidən yayınma hallarının qarşısının alınmasına hədəflənib. Ödəyicilərin kreditor borcları barədə məlumat nəzarəti tədbirləri zamanı həmin borcların məbləği ilə vergi ödəyicisinin gəlirdən çıxdığı xərcləri, mal qalığı və digər məlumatları arasında vergi orqanı tərəfindən üzləşdirmə aparılmasına imkan verir.

2021

xəbərlər

ru_AZ

vergi, vergi məcəlləsi, məsuliyyət, dəyişiklik, vergi ödəyiciləri