https://sputnik.az/20211212/onlarin-qarsisinda-en-boyuk-siper-heyder-eliyev-idi---hikmet-haciyev-437185894.html
Onların qarşısında ən böyük sipər Heydər Əliyev idi - Hikmət Hacıyev
Onların qarşısında ən böyük sipər Heydər Əliyev idi - Hikmət Hacıyev
Sputnik Azərbaycan
BAKI, 12 dekabr - Sputnik. Ulu öndər Heydər Əliyevin xatirəsini böyük hörmət və ehtiramla yad edirik. Azərbaycan xalqının, dövlətçiliyinin tarixində ümummilli... 12.12.2021, Sputnik Azərbaycan
2021-12-12T15:50+0400
2021-12-12T15:50+0400
2021-12-12T15:50+0400
siyasət
heydər əliyev ili
https://cdnn1.img.sputnik.az/img/07e4/0a/1d/425328230_0:0:3125:1759_1920x0_80_0_0_b8c6194ce064f02833d83ec7df67ec0e.jpg
BAKI, 12 dekabr - Sputnik. Ulu öndər Heydər Əliyevin xatirəsini böyük hörmət və ehtiramla yad edirik. Azərbaycan xalqının, dövlətçiliyinin tarixində ümummilli lider Heydər Əliyevin müstəsna və əhəmiyyətli rolu var. Azərbaycan dövlətçiliyinin təməlinin qoyulması və möhkəmlənməsi, ölkəmizin inkişafı bilavasitə Ulu Öndərin adı ilə bağlıdır.Sputnik Azərbaycan AZƏRTAC-a istinadən xəbər verir ki, bu fikirləri Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev ümummilli lider Heydər Əliyevin vəfatının 18-ci ildönümü ilə əlaqədar İstanbulda keçirilən anım mərasimində jurnalistlərə açıqlamasında bildirib.Ermənistanın Azərbaycana qarşı hərbi təcavüzü və işğal siyasətinə baxdıqda, ilk növbədə, Heydər Əliyev şəxsiyyətinin onların qarşısında duran ən böyük maneə olduğunu vurğulayan Prezidentin köməkçisi deyib: “1980-ci illərin sonunda Ulu Öndərin SSRİ-nin Mərkəzi hakimiyyət orqanlarında tutduğu vəzifələrdən kənarlaşdırılması ilə Azərbaycan xalqına qarşı mənfur siyasətin başlamasının bütün çalarlarını görürük. Çünki onların qarşısında ən böyük sipər Ulu Öndər amili idi. Həmin dövrdə Azərbaycana qarşı o mənfur planları planlaşdıranlar və həyata keçirənlər hər şeyi çox gözəl hesablamışdılar. Amma onlar bir amili görə bilmədilər - Azərbaycan xalqının müdrikliyini. Onlar 1993-cü ildə xalqın israrlı tələbi ilə Ulu Öndərin hakimiyyətə qayıtması nəticəsində ölkəmizin yenidən qurulması prosesini nəzərə almamışdılar. Heydər Əliyevin qoyduğu dövlətçilik irsi bu gün Prezident İlham Əliyevin rəhbərliyi ilə uğurla davam etdirilir. Ötən il noyabrın 8-də, Şuşa işğaldan azad olunduğu gün Prezident İlham Əliyev Ulu Öndərin məzarını ziyarət edərkən bu sözləri dedi: “Xoşbəxt adamam ki, ata vəsiyyətini yerinə yetirdim”. Bəli, Ulu Öndərin Azərbaycan xalqı və xüsusilə də Ali Baş Komandan qarşısında qoyduğu əsas vəzifə Qarabağın işğaldan azad edilməsi idi. Ulu Öndər məcburi köçkünlərlə görüşlərinin birində əminliklə deyirdi ki, biz Laçına da, Kəlbəcərə də, Şuşaya da qayıdacağıq, işğal altında olan digər torpaqlarımıza da qayıdacağıq. Bu, həqiqətən də belə oldu. 44 günlük Vətən müharibəsində Ali Baş Komandanın rəhbərliyi ilə Azərbaycan xalqı o torpaqlara qayıtdı və qüdrətini bir daha göstərdi”.Hikmət Hacıyev deyib ki, bu gün Azərbaycan dövləti Ulu Öndərin qoyduğu irs əsasında hərtərəfli inkişaf edir, beynəlxalq aləmin layiqli üzvüdür və ölkəmizin dünyada artan nüfuzu hər kəsin gözü önündədir.Eləcə də oxuyun:* Prezident və ailə üzvləri ümummilli lider Heydər Əliyevin məzarını ziyarət ediblər* Heydər Əliyev - liderin yolu* Heydər Əliyevlə bağlı xoş xatirələr: Rəsm çəkməyi, gözəl yumoru və unikal yanaşması vardı
Sputnik Azərbaycan
media@sputniknews.com
+74956456601
MIA „Rosiya Segodnya“
2021
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
Onların qarşısında ən böyük sipər Heydər Əliyev idi - Hikmət Hacıyev
BAKI, 12 dekabr - Sputnik. Ulu öndər Heydər Əliyevin xatirəsini böyük hörmət və ehtiramla yad edirik. Azərbaycan xalqının, dövlətçiliyinin tarixində ümummilli lider Heydər Əliyevin müstəsna və əhəmiyyətli rolu var. Azərbaycan dövlətçiliyinin təməlinin qoyulması və möhkəmlənməsi, ölkəmizin inkişafı bilavasitə Ulu Öndərin adı ilə bağlıdır.
Sputnik Azərbaycan
AZƏRTAC-a istinadən xəbər verir ki, bu fikirləri Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri
Hikmət Hacıyev ümummilli lider Heydər Əliyevin vəfatının 18-ci ildönümü ilə əlaqədar İstanbulda keçirilən anım mərasimində jurnalistlərə açıqlamasında bildirib.
Ermənistanın Azərbaycana qarşı hərbi təcavüzü və işğal siyasətinə baxdıqda, ilk növbədə, Heydər Əliyev şəxsiyyətinin onların qarşısında duran ən böyük maneə olduğunu vurğulayan Prezidentin köməkçisi deyib: “1980-ci illərin sonunda Ulu Öndərin SSRİ-nin Mərkəzi hakimiyyət orqanlarında tutduğu vəzifələrdən kənarlaşdırılması ilə Azərbaycan xalqına qarşı mənfur siyasətin başlamasının bütün çalarlarını görürük. Çünki onların qarşısında ən böyük sipər Ulu Öndər amili idi.
Həmin dövrdə Azərbaycana qarşı o mənfur planları planlaşdıranlar və həyata keçirənlər hər şeyi çox gözəl hesablamışdılar. Amma onlar bir amili görə bilmədilər - Azərbaycan xalqının müdrikliyini. Onlar 1993-cü ildə xalqın israrlı tələbi ilə Ulu Öndərin hakimiyyətə qayıtması nəticəsində ölkəmizin yenidən qurulması prosesini nəzərə almamışdılar. Heydər Əliyevin qoyduğu dövlətçilik irsi bu gün Prezident İlham Əliyevin rəhbərliyi ilə uğurla davam etdirilir.
Ötən il noyabrın 8-də, Şuşa işğaldan azad olunduğu gün Prezident İlham Əliyev Ulu Öndərin məzarını ziyarət edərkən bu sözləri dedi: “Xoşbəxt adamam ki, ata vəsiyyətini yerinə yetirdim”. Bəli, Ulu Öndərin Azərbaycan xalqı və xüsusilə də Ali Baş Komandan qarşısında qoyduğu əsas vəzifə Qarabağın işğaldan azad edilməsi idi. Ulu Öndər məcburi köçkünlərlə görüşlərinin birində əminliklə deyirdi ki, biz Laçına da, Kəlbəcərə də, Şuşaya da qayıdacağıq, işğal altında olan digər torpaqlarımıza da qayıdacağıq. Bu, həqiqətən də belə oldu. 44 günlük Vətən müharibəsində Ali Baş Komandanın rəhbərliyi ilə Azərbaycan xalqı o torpaqlara qayıtdı və qüdrətini bir daha göstərdi”.
Hikmət Hacıyev deyib ki, bu gün Azərbaycan dövləti Ulu Öndərin qoyduğu irs əsasında hərtərəfli inkişaf edir, beynəlxalq aləmin layiqli üzvüdür və ölkəmizin dünyada artan nüfuzu hər kəsin gözü önündədir.
*
Heydər Əliyevlə bağlı xoş xatirələr: Rəsm çəkməyi, gözəl yumoru və unikal yanaşması vardı
