https://sputnik.az/20211207/subsidiya-almaq-ucun-muraciet-muddeti-basa-catir---telesin-437033918.html
Subsidiya almaq üçün müraciət müddəti başa çatır - Tələsin
Subsidiya almaq üçün müraciət müddəti başa çatır - Tələsin
Sputnik Azərbaycan
Əkin məlumatlarını son müddəti gözləmədən EKTİS-də bəyan etmək monitorinq prosesini daha tez yekunlaşdırmağa və fermerlərə ilin əvvəlində subsidiya ödəməyə... 07.12.2021, Sputnik Azərbaycan
2021-12-07T21:25+0400
2021-12-07T21:25+0400
2021-12-07T21:25+0400
fermer
iqtisadiyyat
https://cdnn1.img.sputnik.az/img/07e5/04/11/426728748_0:106:2037:1252_1920x0_80_0_0_4c4e7ce113ed0091fea5ff4ee48de94c.jpg
BAKI, 7 dekabr — Sputnik. Fermerlərin öz payızlıq əkinlərini Elektron Kənd Təsərrüfatı İnformasiya Sistemində bəyan etməsi prosesi dekabrın 30-da başa çatır. Bəyan prosesinin sürətləndirilməsi üçün Kənd Təsərrüfatı Nazirliyi tərəfindən bölgələrdə məlumatlandırma sessiyaları keçirilir.Sputnik Azərbaycan xəbər verir ki, sessiyalar zamanı aqrar sahəyə dövlət dəstəyi mexanizmləri geniş izah olunur, fermerlərin bu mexanizmlərdən yararlanmaq imkanları barədə məlumat verilir. Bu məqsədlə növbəti tədbir Şəki, Oğuz və Qəbələ rayonlarında keçirilib.Tədbirlərdə çıxış edən Kənd Təsərrüfatı Nazirliyinin Aparat rəhbəri Rəfail Quliyev bildirib ki, payızlıq arpa və buğda səpininin optimal müddətdə başa çatdırılması biçin mövsümündə bol məhsulun olacağını söyləməyə əsas verir. Ölkənin əsas taxılçılıq rayonlarında olan Şəkidə, eləcə də əkin dövriyyəsində payızlıq əkinlərin payı böyük olan Oğuz və Qəbələ rayonlarında səpin prosesi yekunlaşmaq üzrədir. Ötən il bu üç rayonda ümumilikdə 100 min hektardan çox taxıl əkilib və biçin dövründə sahələdən bol məhsul götürülüb. Ölkədə taxılçılığın inkişafına dövlət tərəfindən daim dəstək verilir və ən böyük dəstək mexanizmi taxıl əkinlərinin subsidiyalaşdırılmasıdır.Aqrar Subsidiya Şurasının qərarına görə, 2022-ci ildə arpa və buğda sahəsinin hər hektarına görə 210 manat əkin subsidiyası veriləcək ki, bu da fermerin əkinə çəkdiyi istehsal xərclərinin önəmli hissəsini qarşılayır. Səpini başa çatdırmış fermerlər subsidiya almaq üçün öz əkinlərini Elektron Kənd Təsərrüfatı İnformasiya Sistemində (EKTİS) bəyan etməli, 5 hektardan artıq sahəsi olan fermerlər torpağın aqrokimyəvi analizinin nəticələrini şəxsi kabinetə yükləməli, 10 hektardan artıq sahəsi olan fermerlər isə əlavə olaraq sahələrini sığortalamalıdır. Sığorta xərclərinin tam yarısı dövlət tərəfindən ödənilir.Qeyd olunub ki, fermerlər öz sahələrindən nümunələri analiz üçün Abşeron, Şamaxı, Göygöl, Sabirabad, Quba, Tovuz, Şəki, Lənkəran, Salyan, Ucar və Bərdə rayonlarında fəaliyyət göstərən aqrokimya laboratoriyalarına təqdim edə bilərlər. Ən müasir avadanlıqlarla təchiz olunmuş laboratoriyalar Dövlət Aqrar İnkişaf Mərkəzlərinin binalarında yerləşir. Analiz paketinə pH, elektrik keçiricilik, ümumi azot, mənimsənilən fosfor və mübadiləvi kalium göstəriciləri daxildir.Fermerlərə subsidiyaların ödənilməsi reqlamenti barədə məlumat verilib. Bildirilib ki, əkin məlumatlarını son müddəti gözləmədən EKTİS-də bəyan etmək monitorinq prosesini daha tez yekunlaşdırmağa və fermerlərə ilin əvvəlində subsidiya ödəməyə imkan verir. Bəyanların tez edilməsi həmçinin fermerlərə daxil etdiyi məlumatlarda vaxtında düzəliş etmək imkanı yaradır. Bu səbəbdən fermerlər əkin məlumatlarını və zəruri sənədləri son müddəti gözləmədən bəyan etməklə subsidiyanı ilin əvvəlində almaq və "Fermer kartı"ndakı vəsaiti yaz dövründə yemləmə gübrəsi, pestisid və digər aqrar istehsal vasitələri almağa sərf etmək imkanı qazanırlar.
https://sputnik.az/20211201/avropali-sefir-lenkerana-valeh-olub-yeni-layihe-sahibkarlara-ve-fermerlere-destek-verecek-436833657.html
Sputnik Azərbaycan
media@sputniknews.com
+74956456601
MIA „Rossiya Segodnya“
2021
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
fermer
Subsidiya almaq üçün müraciət müddəti başa çatır - Tələsin
Əkin məlumatlarını son müddəti gözləmədən EKTİS-də bəyan etmək monitorinq prosesini daha tez yekunlaşdırmağa və fermerlərə ilin əvvəlində subsidiya ödəməyə imkan verir.
BAKI, 7 dekabr — Sputnik. Fermerlərin öz payızlıq əkinlərini Elektron Kənd Təsərrüfatı İnformasiya Sistemində bəyan etməsi prosesi dekabrın 30-da başa çatır. Bəyan prosesinin sürətləndirilməsi üçün Kənd Təsərrüfatı Nazirliyi tərəfindən bölgələrdə məlumatlandırma sessiyaları keçirilir.
Sputnik Azərbaycan xəbər verir ki, sessiyalar zamanı aqrar sahəyə dövlət dəstəyi mexanizmləri geniş izah olunur, fermerlərin bu mexanizmlərdən yararlanmaq imkanları barədə məlumat verilir. Bu məqsədlə növbəti tədbir Şəki, Oğuz və Qəbələ rayonlarında keçirilib.
Tədbirlərdə çıxış edən Kənd Təsərrüfatı Nazirliyinin Aparat rəhbəri Rəfail Quliyev bildirib ki, payızlıq arpa və buğda səpininin optimal müddətdə başa çatdırılması biçin mövsümündə bol məhsulun olacağını söyləməyə əsas verir. Ölkənin əsas taxılçılıq rayonlarında olan Şəkidə, eləcə də əkin dövriyyəsində payızlıq əkinlərin payı böyük olan Oğuz və Qəbələ rayonlarında səpin prosesi yekunlaşmaq üzrədir. Ötən il bu üç rayonda ümumilikdə 100 min hektardan çox taxıl əkilib və biçin dövründə sahələdən bol məhsul götürülüb. Ölkədə taxılçılığın inkişafına dövlət tərəfindən daim dəstək verilir və ən böyük dəstək mexanizmi taxıl əkinlərinin subsidiyalaşdırılmasıdır.
Aqrar Subsidiya Şurasının qərarına görə, 2022-ci ildə arpa və buğda sahəsinin hər hektarına görə 210 manat əkin subsidiyası veriləcək ki, bu da fermerin əkinə çəkdiyi istehsal xərclərinin önəmli hissəsini qarşılayır. Səpini başa çatdırmış fermerlər subsidiya almaq üçün öz əkinlərini Elektron Kənd Təsərrüfatı İnformasiya Sistemində (EKTİS) bəyan etməli, 5 hektardan artıq sahəsi olan fermerlər torpağın aqrokimyəvi analizinin nəticələrini şəxsi kabinetə yükləməli, 10 hektardan artıq sahəsi olan fermerlər isə əlavə olaraq sahələrini sığortalamalıdır. Sığorta xərclərinin tam yarısı dövlət tərəfindən ödənilir.
Qeyd olunub ki, fermerlər öz sahələrindən nümunələri analiz üçün Abşeron, Şamaxı, Göygöl, Sabirabad, Quba, Tovuz, Şəki, Lənkəran, Salyan, Ucar və Bərdə rayonlarında fəaliyyət göstərən aqrokimya laboratoriyalarına təqdim edə bilərlər. Ən müasir avadanlıqlarla təchiz olunmuş laboratoriyalar Dövlət Aqrar İnkişaf Mərkəzlərinin binalarında yerləşir. Analiz paketinə pH, elektrik keçiricilik, ümumi azot, mənimsənilən fosfor və mübadiləvi kalium göstəriciləri daxildir.
Fermerlərə subsidiyaların ödənilməsi reqlamenti barədə məlumat verilib. Bildirilib ki, əkin məlumatlarını son müddəti gözləmədən EKTİS-də bəyan etmək monitorinq prosesini daha tez yekunlaşdırmağa və fermerlərə ilin əvvəlində subsidiya ödəməyə imkan verir. Bəyanların tez edilməsi həmçinin fermerlərə daxil etdiyi məlumatlarda vaxtında düzəliş etmək imkanı yaradır. Bu səbəbdən fermerlər əkin məlumatlarını və zəruri sənədləri son müddəti gözləmədən bəyan etməklə subsidiyanı ilin əvvəlində almaq və "Fermer kartı"ndakı vəsaiti yaz dövründə yemləmə gübrəsi, pestisid və digər aqrar istehsal vasitələri almağa sərf etmək imkanı qazanırlar.
