Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Bu gün Dünya Türk Qəhvəsi Günüdür

Türk kofesi - Sputnik Azərbaycan, 1920, 04.12.2021
Xəbərlərə abunə olun
"Kurukahveci" adı ilə tanınan Mehmet Əfəndi qovrularaq dəyirmanlarda üyüdülən ilk qəhvəni 1871-ci ildə xalqa təqdim etdi. Bu səbəbdən də bu gün türk qəhvəsi Türkiyədə və bütün dünyada "Kurukahveci Mehmet Efendi" adı ilə tanınır.
BAKI, 4 dekabr — Sputnik. Bu gün Dünya Türk Qəhvəsi Günüdür. Bu əlamətdar günün tarixi və özəllikləri ilə bağlı Sputnik Azərbaycan-ın yazısında tanış ola bilərsiniz:
Əsrlər öncə türk qəhvəsini dəmləmək xeyli zaman alırdı, bu isə həm də restoranlarda sobaların uzun müddətlik zəbt olunması demək idi. Bu səbəbdən bir müddət Türkiyədə türk qəhvəsi ilə bağlı sifarişlərin qəbulu dayandırıldı. Lakin sonradan qəhvə dəmləyən maşınların istehsalı türk qəhvəsi üçün yeni bir tarixi dövr açdı.
Bir lokum və türk qəhvəsinin möhtəşəm sintezi
Ənənəyə uyğun olaraq xüsusən də mötəbər qonaqlara türk qəhvəsinin yanında mütləq şəkildə lokum təklif edilir. Lakin 19-cü əsrədək türk qəhvəsinin yanında lokum deyil, mürəbbə verilərmiş. Həmin dövrədək xüsusən də türk qəhvəsinin yanında daha çox gül ləçəklərindən hazırlanan "gülbeşəkər" adlanan mürəbbə verilərdi.
Qısaca da olsa türk qəhvəsinin tarixinə nəzər yetirək:
Yəmən valisi Özdəmir paşa 1543-cü ildə səfərlərinin birində dadına heyran olduğu qəhvəni İstanbula gətirir. Beləcə türklərin kəşf etdiyi yeni hazırlanma üsulu ilə qəhvə dəmlənir və "Türk qəhvəsi" adını alır.
© Sputnik / Владимир Песня / Fotobanka keçməkФестиваль Турции в Москве
Фестиваль Турции в Москве - Sputnik Azərbaycan, 1920, 04.12.2021
Фестиваль Турции в Москве
O dövrdə sadə xalqın qəhvə ilə ilk tanışlığı isə 1554-cü ilə təsadüf edir. Həmin tarixdə Tahtakale adlanan yerdə açılan qəhvəxanada ilk dəfə türk qəhvəsi müştərilərə təqdim olunur. Bundan sonra insanlar zamanlarını daha dəyərli keçirmək üçün kitab oxuyarkən, yaradıcı bir işlə məşğul olarkən, əsər yazarkən, şahmat və nərd oynayarkən, ədəbi söhbətlərlə məşğul olarkən belə qəhvə içməkdən böyük zövq almağa başladılar.
Qısa müddətdə türk qəhvəsinin dadı və şöhrəti Avropaya, sonra isə bütün dünyaya yayıldı. 1871-ci ildə isə "Kurukahveci" olaraq tanınan Mehmet Əfəndi qovrularaq dəyirmanlarda üyüdülən ilk qəhvəni xalqa təqdim etdi. Bu səbəbdən də bu gün türk qəhvəsi Türkiyədə və bütün dünyada daha çox "Kurukahveci Mehmet Efendi" adı ilə tanınır.
Qeyd edək ki, türk qəhvəsi UNESCO-nun Bəşəriyyətin Qeyri-Maddi Mədəni İrs Siyahısına düşən yeganə qəhvədir.
Həmçinin oxuyun:
Qəhvənin qiyməti qalxdı
Sarıkök sayəsində səhhəti yaxşılaşdırmağın beş üsulu
Məşhur həkimdən qəribə resept: 1 qədəh şərab, 4 fincan qəhvə...
Hər dəfə çay və qəhvə qəbulundan sonra...
Qanazlığının qarşısını almağın yolları
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала