https://sputnik.az/20211201/gelin-yuyaq-denizi---usaqlarin-sevimli-sairi-anildi-436864828.html
"Gəlin yuyaq dənizi" - Uşaqların sevimli şairi anıldı
"Gəlin yuyaq dənizi" - Uşaqların sevimli şairi anıldı
Sputnik Azərbaycan
Ədəbiyyat tənqidçilərinin fikrincə, hazırda məhz uşaq ədəbiyyatı sahəsində böyük çətinliklər və çatışmazlıqlar müşahidə olunur. Odur ki, şairin kitabının... 01.12.2021, Sputnik Azərbaycan
2021-12-01T20:37+0400
2021-12-01T20:37+0400
2021-12-02T10:24+0400
tədbir
mədəniyyət
kitab
şair
sputnik azərbaycan beynəlxaq mətbuat mərkəzi
https://cdnn1.img.sputnik.az/img/07e5/0c/01/436864685_0:160:3072:1888_1920x0_80_0_0_946c9d887e1327154ddef8a639594847.jpg
BAKI, 1 dekabr — Sputnik. Bu günlərdə Azərbaycan müasir ədəbiyyatının klassiki, Xalq yazıçısı Fikrət Sadığın vəfatının beşinci ili tamam oldu. Onun uşaqlar üçün yazdığı şeirlərdən ibarət "Gəlin yuyaq dənizi" adlı kitabı yenidən çap olunub. Sputnik Azərbaycan-ın Multimedia Mətbuat Mərkəzində şair Fikrət Sadığın xatirəsinə həsr olunan tədbir keçirilib. Tədbirdə filologiya üzrə fəlsəfə doktoru Firudin Qurbansoy, tanınmış aktrisa Kəmalə Mehdiyeva, şairin qızı, Azərbaycan Yazıçılar Birliyinin üzvü, tanınmış yazar Aysel Fikrət, görkəmli şairin dostları və həmkarları iştirak ediblər. Tədbir iştirakçıları şairlə bağlı xatirələrini bölüşüb, onun şeirlərini səsləndiriblər.Qeyd edək ki, sözügedən kitabın redaktoru Aysel Rəsulzadə, ön sözün müəllifi, Azərbaycan yazıçısı, əməkdar pedaqoq, professor Zahid Xəlildir.Ədəbiyyat tənqidçilərinin fikrincə, hazırda məhz uşaq ədəbiyyatı sahəsində böyük çətinliklər və çatışmazlıqlar müşahidə olunur. Odur ki, şairin kitabının yenidən çapı ölkənin ədəbi həyatında maraqlı hadisə kimi qiymətləndirilə bilər.Məlumat üçün qeyd edək ki, Fikrət Sadıq 1930-cu il mayın 30-da Şamaxıda anadan olub. Burada ibtidai, Kürdəmirdə isə orta təhsil aldıqdan sonra Bakıda sənət məktəbini bitirib. Daha sonra ADU-nun filologiya fakültəsində təhsil alıb. Ədəbi fəaliyyətə tələbəlik illərində universitet nəşriyyatının buraxdığı "Gənclik nəğmələri" almanaxında dərc etdirdiyi "Artist" və "Ana əli" şeirləri ilə başlayıb.Şamaxıda kənd müəllimi, rayon qəzeti redaksiyasında ədəbi işçi, ADU-nun Azərbaycan ədəbiyyatı tarixi kafedrasında baş laborant, Azərbaycan Sovet Ensiklopediyasının Baş redaksiyasında elmi redaktor, şöbə müdiri, C.Cabbarlı adına "Azərbaycanfilm" kinostudiyasında elmi-kütləvi və sənədli filmlər birliyi idarəsində baş redaktor, Azərbaycan Yazıçılar İttifaqında bədii ədəbiyyatın təbliği bürosunun direktoru olub. Fikrət Sadıq "Dəniz küçəmizə gəlir", "Cırtdan hara getmişdir?", "Sevgi yağışı", "Bala kirpi", "İşığın yaşı", "Göydə nə var", "Gəlin yuyaq dənizi", "Ağ cığır", "Yerdən göyə ümid" və başqa kitabların müəllifidir.O, Azərbaycan yazıçılarının VII-VIII qurultaylarında Azərbaycan Yazıçıları İttifaqı təftiş komissiyasının sədri, IX qurultayında idarə heyətinin üzvü, qəbul komissiyasının və Şirvan filialının sədri seçilib. Azərbaycan Ali Soveti Rəyasət Heyətinin Fəxri Fərmanı, "Əməkdə igidliyə görə" medalı ilə (1986) təltif olunub. Görkəmli şair Fikrət Sadıq 2016-cı il noyabrın 16-da 86 yaşında Bakıda vəfat edib.
Sputnik Azərbaycan
media@sputniknews.com
+74956456601
MIA „Rosiya Segodnya“
2021
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
tədbir, kitab, şair, sputnik azərbaycan beynəlxaq mətbuat mərkəzi
tədbir, kitab, şair, sputnik azərbaycan beynəlxaq mətbuat mərkəzi
"Gəlin yuyaq dənizi" - Uşaqların sevimli şairi anıldı
20:37 01.12.2021 (Yenilənib: 10:24 02.12.2021) Ədəbiyyat tənqidçilərinin fikrincə, hazırda məhz uşaq ədəbiyyatı sahəsində böyük çətinliklər və çatışmazlıqlar müşahidə olunur. Odur ki, şairin kitabının yenidən çapı ölkənin ədəbi həyatında maraqlı hadisə kimi qiymətləndirilə bilər.
BAKI, 1 dekabr — Sputnik. Bu günlərdə Azərbaycan müasir ədəbiyyatının klassiki, Xalq yazıçısı Fikrət Sadığın vəfatının beşinci ili tamam oldu. Onun uşaqlar üçün yazdığı şeirlərdən ibarət "Gəlin yuyaq dənizi" adlı kitabı yenidən çap olunub.
Sputnik Azərbaycan-ın Multimedia Mətbuat Mərkəzində şair Fikrət Sadığın xatirəsinə həsr olunan tədbir keçirilib.
Tədbirdə filologiya üzrə fəlsəfə doktoru Firudin Qurbansoy, tanınmış aktrisa Kəmalə Mehdiyeva, şairin qızı, Azərbaycan Yazıçılar Birliyinin üzvü, tanınmış yazar Aysel Fikrət, görkəmli şairin dostları və həmkarları iştirak ediblər. Tədbir iştirakçıları şairlə bağlı xatirələrini bölüşüb, onun şeirlərini səsləndiriblər.
Qeyd edək ki, sözügedən kitabın redaktoru Aysel Rəsulzadə, ön sözün müəllifi, Azərbaycan yazıçısı, əməkdar pedaqoq, professor Zahid Xəlildir.
Ədəbiyyat tənqidçilərinin fikrincə, hazırda məhz uşaq ədəbiyyatı sahəsində böyük çətinliklər və çatışmazlıqlar müşahidə olunur. Odur ki, şairin kitabının yenidən çapı ölkənin ədəbi həyatında maraqlı hadisə kimi qiymətləndirilə bilər.
Məlumat üçün qeyd edək ki, Fikrət Sadıq 1930-cu il mayın 30-da Şamaxıda anadan olub. Burada ibtidai, Kürdəmirdə isə orta təhsil aldıqdan sonra Bakıda sənət məktəbini bitirib. Daha sonra ADU-nun filologiya fakültəsində təhsil alıb. Ədəbi fəaliyyətə tələbəlik illərində universitet nəşriyyatının buraxdığı "Gənclik nəğmələri" almanaxında dərc etdirdiyi "Artist" və "Ana əli" şeirləri ilə başlayıb.
Şamaxıda kənd müəllimi, rayon qəzeti redaksiyasında ədəbi işçi, ADU-nun Azərbaycan ədəbiyyatı tarixi kafedrasında baş laborant, Azərbaycan Sovet Ensiklopediyasının Baş redaksiyasında elmi redaktor, şöbə müdiri, C.Cabbarlı adına "Azərbaycanfilm" kinostudiyasında elmi-kütləvi və sənədli filmlər birliyi idarəsində baş redaktor, Azərbaycan Yazıçılar İttifaqında bədii ədəbiyyatın təbliği bürosunun direktoru olub. Fikrət Sadıq "Dəniz küçəmizə gəlir", "Cırtdan hara getmişdir?", "Sevgi yağışı", "Bala kirpi", "İşığın yaşı", "Göydə nə var", "Gəlin yuyaq dənizi", "Ağ cığır", "Yerdən göyə ümid" və başqa kitabların müəllifidir.
O, Azərbaycan yazıçılarının VII-VIII qurultaylarında Azərbaycan Yazıçıları İttifaqı təftiş komissiyasının sədri, IX qurultayında idarə heyətinin üzvü, qəbul komissiyasının və Şirvan filialının sədri seçilib. Azərbaycan Ali Soveti Rəyasət Heyətinin Fəxri Fərmanı, "Əməkdə igidliyə görə" medalı ilə (1986) təltif olunub. Görkəmli şair Fikrət Sadıq 2016-cı il noyabrın 16-da 86 yaşında Bakıda vəfat edib.
