Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Maaş kartlarının sayı artıb

Manat - Sputnik Azərbaycan, 1920, 28.11.2021
Xəbərlərə abunə olun
2021-ci ilin 10 ayı ərzində kartlar vasitəsilə həyata keçirilən nağdsız ödənişlərin həcmi 8370 mln. manat təşkil edib
BAKI, 28 noyabr — Sputnik. Bank sistemi üzrə oktyabr ayının sonunda dövriyyədə olan ödəniş kartlarının sayı ötən aya nəzərən 244 min ədəd artaraq 10 milyon 673 min ədəd təşkil edib. Keçən ilin müvafiq dövrü ilə müqayisədə bu göstərici 17% artıb.
Sputnik Azərbaycan Mərkəzi Banka istinadla xəbər verir ki, ödəniş kartlarında artım debet kartları üzrə 15.5%, kredit kartları üzrə 27.8% təşkil edib.
Ötən ilin müvafiq dövrünə nəzərən əməkhaqqı kartlarının sayı 149 min, kredit kartları 296 min, digər kartlar isə 1.1 mln. ədəd artıb. Ödəniş kartlarının artması nağdsız ödənişlərin həcminə müsbət təsir göstərib. Belə ki, ölkədaxili nağdsız əməliyyatların həcmi keçən ilin 10 ayı ilə müqayisədə 73% artıb. 2021-ci ilin 10 ayı ərzində kartlar vasitəsilə həyata keçirilən nağdsız ödənişlərin həcmi 8370 mln. manat təşkil edib.
Həyata keçirilən nağdsız ödənişlərin 5218 mln. manatı elektron ticarətin payına düşür. Qalan məbləğin 3120 mln. manatı POS-terminallar, 32 mln. manatı isə ATM-lər vasitəsilə gerçəkləşdirilib. Oktyabr ayı ərzində ödəniş kartları ilə nağdsız ölkədaxili əməliyyatların həcmi ümumi əməliyyatların 34 %-ni təşkil edib.
Bankların ödəniş xidməti şəbəkəsi üzrə dinamik artım müşahidə olunur. Belə ki, keçən ilin oktyabr ayının sonu ilə müqayisədə bankomatların sayı 8.1%, POS-terminalların sayı 7.1 % artıb.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала