Yeni təcili tibbi yardım avtomobilləri  - Sputnik Azərbaycan, 1920
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

İsrail alimləri koronavirusu 2 saniyəyə məhv etməyin yolunu tapdılar

© AFP 2022 / STRKoronavirus testi, arxiv şəkli
Koronavirus testi, arxiv şəkli - Sputnik Azərbaycan, 1920, 27.11.2021
Xəbərlərə abunə olun
BAKI, 27 noyabr - Sputnik. Millimetrlik dalğaların tətbiqi koronavirus və poliovirusu 2 saniyə ərzində 99% məhv etməyə imkan verir. Bunu İsraildəki Ariel Universitetinin alimləri kəşf ediblər.
Tədqiqatın nəticələri Environmental Chemistry Letters jurnalında dərc olunub.
Ekspertlər komandası 1-10 mm uzunluqlu radiodalğaların infeksiyaya təsirini öyrəniblər. Bəlli olub ki, radiasiya patogenləri iki saniyəyə məhv edir.
"Bu şüalanma tipi millimetrlik dalğalar rejimində işləyir, o deməkdir ki, onun dalğa uzunluğu təxminən 3 millimetrdir. Müqayisə üçün: mobil telefonun şüalanma dalğasının uzunluğu təxminən 30 santimetrdir, mikrodalğanın şüalanması isə 12 sm", - tədqiqatın həmmüəlliflərindən biri Moşe Eynat kəşfi Jerusalem Post-a şərh edərkən deyib.
Qeyd olunur ki, millimetrlik dalğalar tibbdə, xüsusən də xərçəng hüceyrələrinə qarşı geniş istifadə olunur. Onlardan həmçinin enerjinin naqilsiz ötürülməsində istifadə olunur.
Alimlər diqqət yetiriblər ki, bu cür dalğalar temperaturu yüksəldir, bu isə virus hissəciklərini öldürür. Yeni metod müxtəlif zərif səthlərdə, məsələn, qurğularda və ya texnikada istifadə üçün yarayır. Tədqiqat müəllifləri tapıntılarının insan bədənindəki virusla mübarizəyə yarayacağına şübhə edirlər, ancaq eyni zamanda vurğulayırlar ki, o, gerçəkdən də sürətlidir: 2 saniyə ərzində hissəciklərin 99,8%-i məhv olur.
"Hazırda bu məqsədlə istifadə olunan ultrabənövşəyi şüalanma bir neçə dəqiqə, hətta bir saat vaxt aparır, üstəlik insan üçün təhlükəlidir, bu isə dezinfeksiya üçün sərfəli deyil", - tədqiqatın rəhbəri Qabi Qarlits deyib.
Alimlər yeni texnologiyanı poliovirusda da yoxlayıblar və koronavirusla analoji effekt alıblar.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала